الموقع – مجلة الكترونية فنية شاملة elmaw2a3
هاجم #المؤلف_ايمن_سليم_ المطربة_ساندي_ بعد دخولها في جدال معه بسبب رأيه في أغنية شيرين عبدالوهاب الجديدة، حيث أشار أيمن إلى أنه لم يحب الأغنية بالمقارنة بأغاني الفنانة القديمة، وهو ما توافق عليه ساندي.
ووصف أيمن سليم الفنانة ساندي بـ “المؤدية”، مؤكدًا أنها ليس نموذجًا للنجاح، وأن “شورتاتها” أشهر من أغانيها.. وكتب أيمن عبر حسابه الشخصي على الفيسبوك : “المؤدية ساندي اعترضت بشدة على إني ماحبتش أغنية شيرين الجديدة بمقارنتها بأغاني شيرين القديمة، ورغم إشادتي بحماس شيرين للرجوع وفرحتي بعودتها، لكن ساندي لقت إنها فرصة جميلة للتطبيل لصديقها الفنان عزيز الشافعي، اللي أنا ماذكرتهوش أساسًا لا بخير ولا بشر.. هذه الساندي بتقول إن شغل عزيز أرقى من ودن المستمع العادي ، وكلماته عايزة ناس مثقفة زيه، يعني المشكلة عند الجمهور ، ولما فهمتها إن الموضوع نسبي وإن الفنان بيتعب أصلًا علشان يوصل للجمهور، مش المفروض إن الجمهور هو اللي يتعب علشان يعجبه حاجة، وسواء شيرين أو عزيز ليهم أعمال ناجحة قبل كده، فلما يعملوا أغنية يختلف عليها البعض يبقى المشكلة في المنتج اللي طلعوه مش في الناس..وضربت مثال بيها هي شخصيًا إنها بتغني بقالها عشرين سنة ومافيش غير أغنية أو إتنين اللي حد يعرفهم، باقي أغانيها وكليباتها لا حد فاكرها ولا حافظها غيرها، فهل ده معناه إن المشكلة فينا إحنا، قامت زعلت ..فأنا بعتذر للفنانة لإني حقيقي حاولت أجاملها لما قولت إن ليها حاجة نجحت قبل كده أساساً، ده هوت شورتاتها معروفة أكتر منها، ويا ريت لما حد يعمل نفسه عالم ذرة، وبيفهم في ذوق الجمهور يبقى يطبق كلامه على نفسه الأول وينجح، بدل التنظير الفاشل ده، ناقص ماريا إلعب إلعب تخش تعترض هي كمان”.
