نهى العمروسي:” الحجاب اجندة ومش مقتنعة بيه وعمري ماحتحجب”

حلت الفنانة نهى العمروسي ضيفة على برنامج “قعدة ستات” تقديم مروة صبري ويعرض على قناة “ألفا اليوم”.وأثارت الفنانة الجدل بتصريحاتها عن الحجاب وانها غير مقتنعة بارتدائه، وكونه أجندة من الخارج، إلى جانب علاقتها بنجوم ونجمات الوسط الفني، ومشاريعها الفنية خلال الفترة المقبلة، إلى جانب تفاصيل وأسرار تخص حياتها الشخصية كشفت عنها لأول مرة.. وقالت: “الحجاب أجندة اجندة مش فرض، أديني آية بتقول إنه فرض، إيه اللي بيقول أن الشعر عورة؟، ومتكلمنيش في الدين وأنا مش متخصصة ممكن أقول حاجة غلط، يا جماعة ممكن أغلط لكن دي قناعاتي ولا عمري هتحجب لأني مش مقتنعة بيه خالص”.. وتحدثت نهى العمروسي عن الأديان قائلة: “أنا مابحبش التقسيم، أنا اتولدت مُسلمة كلنا بنتولد على دين أبهاتنا، لكن أنا مش عايزة أحس إني أحسن من المسيحي أو اليهودي أو البوذي أو الهندوسي، فكرة التقسيم دي بتعمل مشاكل بين الناس، اللي هو أنا أحسن منك، أنت دينك أي كلام، أنا بحب الوحدانية، يعني كلنا زي بعض ومش بحب التقسيم”.