الموقع – مجلة الكترونية فنية شاملة elmaw2a3
متابعة/ حسانة سليم
تحدثت الفنانة انتصار عن حب الرجال لها، وعن تعاونها مع المخرجة كاملة أبو ذكري مرة أخرى، ورأيها في نيللي كريم كممثلة.وقالت في تصريحات تليفزيونية: “كنت مرغوبة من الرجال طول الوقت، ولكن اكتفيت وزهقت.. وعمري ما بخاف أني أكون مرغوبة أو لأ، وممكن لو أعجبت برجل أروح أقوله، والحب ملوش مكان ولا وقت، وفي اللحظة دي الكون كله بيكون ساكت احتراما لهذه اللحظة،ودايما الراجل اللي بيحبك بيتكلم عنك ورا ضهرك حلو، وأخر مرة حبيت فيها كانت من وقت طويل.. والحب بيغير الحياة بتحسي أن الأكل له معنى واللبس له معنى ودولابك اللي في البيت له معنى.”..وعن عدم تعاونها مع المخرجة كاملة أبو ذكري مرة أخرى، قالت: “أتمني أن المخرجة كاملة أبو ذكري متتكلمش كتير في البرامج لأنه مش صح، مينفعش كل شوية تطلع على الناس لأني محبتش أنها عملت كدا، وبراحتها متشتغلش معايا تاني. أنتي مخرجة كبيرة ليكي اسم مينفعش البرامج تستغلك، وتطلعي تتكلمي عن زملائك وحش، لأنك من أهم المخرجين الموجودين في الشرق الأوسط، وانا بحبها جدا لأنها صحبتي”.وعن جدل تعليم انتصار وباسم سمرة التمثيل لنيللي كريم في مسلسل ذات، قالت انتصار: “أنا قولت كدا عشان باسم سمرة طلع وقال في لقاء، وقال إني أنا وانتصار علمنا نيللي كريم التمثيل، وأنا اتزنقت في لقاء بعدها على طول، وقولت ساعتها مكنش يقصد هو كان قصده أنه في الفترة دي كنا بنمثل بقالنا فترة طويلة، وهي حينها كانت راقصة شاطرة، كانت بتلعب باليه حلو جدا، وعجبني ساعتها إن نيللي كريم مردتش خالص واحترمتها جدا”.
