الموقع – مجلة الكترونية فنية شاملة elmaw2a3
متابعة/ حسانة سليم
كشف رجل الأعمال هشام ربيع مفاجأة حول أزمته مع طليقته المطربة بوسي، وذلك بعد التصريحات التي أدلت بها الأخيرة في برنامج” العرافة” مع بسمة وهبه بعدما دخل طليقها السجن في سبيل حمايتها..وقال إنه اكتشف أن طليقته كانت متزوجة مرتين قبل زواجهما ولم تخبره بذلك، معلقًا: “اكتشفت حاجات غريبة أوي، وهي إن الست دي كانت متجوزة قبلي اتنين وأنا معرفش، اللى كنت أعرفه فطين اللى هو وليد أبو ياسين، التانى اللى في النص ده أنا معرفوش..بدأت حياتها معايا بكذب إن هي كانت متجوزة قبلي ومقلتش ليا، حتى أنا قلتلها إزاى يا بوسي نحط إيدينا في إيدين بعض وإحنا جواز على سنة لله وروسوله وفرح وعيلة محترمة وأسرة ونسب، وفي الآخر إنتي متجوزة قبلي ومقولتيش ليا طبعا مكنش ليها رد لأن كان الموضوع اتعرف”..(وتابع): “كل الردود بتاعتها عبارة عن كذب، وأنا بصراحة مقدرتش أسكت، كنت لازم أدخل، وأوضح لكل الناس وبالذات أصحابي وأهلي أن الست دي كلامها كذب وبتتنفس كذب، سألتها الأستاذة بسمة سؤال واضح وصريح سبب الانفصال بينكم إيه، فردت بوسي قالت لها أصل الناس كانت بتقوله كلام في ودنه وكلام كده لا يعقل يعني.. أنا بعرفكم وبقولكم الحقيقة طلقت بوسي لأن دخلت بسببها السجن 4 شهور ودفعت عشانها ملايين وخلصتها من تشكيل عصابي مكون من طليقها الله يرحمه ويسامحه وعيلته وخليتها حرة اللهم لك الحمد، وفي الآخر الست دي مجتش زارتني خلال الـ 4 شهور وفي كشوفات في السجن تثبت ده عشان هي بتكذب كتير خرجت من السجن بتتهرب مني وقافلة باب البيت ومش عايزة تقابلني، وده اللى جاب ليا صاعقة ولاقيت نفسي هتجنن”..واضاف هشام ربيع: “الست دي مش قادر أفهم هي معقدة ومريضة وبتاعت مصلحتها وغدارة، أنا مش فاهم حاجة طب أنا كهشام معملتش فيكي حاجة ومع ذلك قلت أنتي بالنسبالي غلطة وأساءت الاختيار، غلطت وإحنا بشر وممكن نغلط، وخلاص هصلح الغلط بأني اطلق الست دي. واعتبرت أن شهامتي ورجولتي أنا عملتها مع واحدة في الشارع أو مع جارتي أو أختي أو زوجتي، ودي تربيتي عشان أنا راجل شرقاوي وفلاح وده طبعنا مش هشوف واحدة ست بتستغيث واسكت، ولكن الست دي طلعت ندلة جدًا معايا ولا جت زارتني اللى أنا مسجون عشانها ولما طلعت من السجن قابلتني دي اتهربت وكأن لم يكن شيء”.
