الموقع – مجلة الكترونية فنية شاملة elmaw2a3
متابعة/ حسانة سليم
أعلنت المخرجة كاملة أبو ذكري، انفصالها عن زوجها منذ 4 أشهر، مؤكدة أنها لن تُقدم على خطوة الارتباط والزواج مرة أخرى..وقالت كاملة أبو ذكري في تصريحات تليفزيونية:” الراجل الحقيقي اللي في حياتي هو أبويا، وأخويا حبيبي ربنا يدي له العمر والصحة، وغير كده مشوفتش ضهر ولا سند، ممكن تكوني قوية جدًا في شغلك وتبقي ضعيفة جدًا في الحب، خاصة لما بتكون شغلانة محتاجة تكوني فيها زي الراجل، وفي ست مش محتاجة راجل، وأنا ضعيفة جدًا في الحب.الحب كسرني وأنا اختارت غلط أوي، ومش ندمانة كل حاجة بتعلم منها حلوة أو وحشة، وكنت أتمنى أكون نجحت في حياتي الشخصية زي العملية ويكون في سند ليا وضهر وونيس، بس أخويا وبنتي وحفيدي وأصحابي وشغلي عوضوني.أنا اتجوزت مرتين، مرة 3 سنين ومرة 8، واللي كسرتني أوي 8 سنين، واتطلقت من 4 شهور، والحمد لله ربنا مبيديش كل حاجة وكل حاجة بتخلص، والحمد لله كل حاجة بتعدي، أنا أمي وأبويا ماتوا وكملت واشتغلت، ومش هحب تاني أعوذ بالله من الارتباط”.
