محمود قابيل:” احببت ميرفت امين ومشروع الارتباط بليلى علوي لم يكتمل”

قال محمود قابيل خلال لقائه ببرنامج “الستات” الذي تقدمه الإعلامية سهير جودة بقناة “النهار”:”سنة 1974 حبيت ميرفت امين وهي كمان أحبتني، حبينا بعض، قطعا كان فيه مشاعر جامدة ما بينا، ولكن القصة لم تكتمل بالزواج، لأني كنت لسه خارج من الجيش وفي سياحة وببدأ لسه في السينما، كنت لسه وجه شاب وهي نجمة،فيلم أول حب تحت المطر كان أول فيلم ليا، والمخرج حسين كمال كان مقتنع بيا، وفي فيلم العصفور المخرج يوسف شاهين واخدني علشان يشوف الكاميرا بتحبني ولا لأ، في الفترة دي كانت حياتي غير مستقرة، وكنت متفهم ظروف ميرفت أمين وقتها فعلشان كده لم تكتمل قصة حبنا بالزواج،ميرفت أمين أخدت قرار البعد ولو كانت حالتي مستقرة أكتر في الوقت ده كنا اتجوزنا، ظروفي الاقتصادية كانت في صالحي، ولكن انا مكنتش بكون متواجد لانشغالي في العمل بالسياحة، في الفترة اللي شهدت قصة حبنا مكنش فيه منافسة بيني وبين حسين فهمي علي الزواج من ميرفت أمين، هي كانت تعتبره مجرد زميل ليس إلا، الوقت ده كان حسين متزوج وسعيد جدا في زواجه، بل بالعكس اللي كان قريب منها أوي كان الفنان نور الشريف”.. وأكد محمود قابيل:”كان فيه مشروع خطوبة للنجمة ليلى علويمح، وكنت أحب ارتبط بيها بس محصلش خطوبة، كان فيه قصة حب من ناحيتي وأنا حبيتها جدا، كان بينا مسلسل تعالى نحلم ببكرة، نشأت فيه قصة الحب بس لم تكتمل وأنا السبب في كده، حصل مشاكل عائلية مع أولادي ومكنتش اقدر ارتبط في التوقيت ده”.