منى عبد الغني باكية:” بأي ذنب بيتكفنوا وياريت نفرح من غير هيصة ونراعي المشاعر”

متابعة/ حسانة سليم

انهارت منى عبد الغني من البكاء على الهواء مباشرة، وذلك خلال تقديم حلقتها من برنامج “الستات مايعرفوش يكدبوا”، قائلة: أنا النهاردة عندي رسالة مش بتوصف حالي بس لكن رسالتي بتعبر عن ناس بنشوفها بقالنا كذا يوم بتتألم، بأي ذنب طفل عنده شهور يتكفن بالكفن وأطفال مجروحة جروح إحنا منقدرش نستحملها.. بنشوف فيديوهات لأمهات بتودع أطفالها بكل ثبات ويقين وهي صابرة ومنقدرش نقول غير حسبي الله ونعم الوكيل، وبشوف صور الأطفال دي وبتخيل أحفادي.. وبقعد اتخيل لو مكان الأم دي هما بجد أقوى مننا”.. واختتمت حديثها: “من حقكم تعيشوا حياتكم بس لازم نراعي مشاعر الناس اللي عايشين في صمت وبيتألموا وبيموتوا كل يوم والتاني.. وخلينا نفرح ونعمل أفراح وأعياد ميلاد بس من غير هيصه، ومن غير ما نجرح ونراعي أخواتنا اللي بتموت طول الوقت، لأن إحنا اتعلمنا من زمان لما يبقى في عزاء عند جارنا مينفعش نعمل فرح، ربنا يردلنا فلسطين والمسجد الأقصى ردًا جميلًا وإحنا معاكم بقلوبكم”.