أيتن عامر: “في قضايا كتير بيني وبين طليقي”

متابعة/ حسانة سليم

حلت النجمة ايتن عامر ضيفةً على الإعلامية بسمة وهبة، في برنامجها “العرافة”، وتحدثت خلال الحلقة عن العديد من الموضوعات، بخصوص حياتها الشخصية، وخلافها مع طليقها محمد عز العرب..وقالت أيتن عامر خلال حلقتها : “أي اتنين بينفصلوا أكيد بيبقى فيه بينهم خلافات، بس مش كل حاجة بتبقى صح وفيه ناس بتفبرك عناوين عشان الريتش، وأنا من جانبي اتنازلت عن حقي، لأن أنا وأبو أولادي مش هنقف قدام بعض في المحاكم أبدا..  ومفيش قضايا بيني وبين عز أبدا دلوقتي، ولكن لكل فعل رد فعل، ولما حد يرفع عليا قضية ما، طبيعي إني هرد، وأنا دايما في موضع دفاع، عمري ما كنت في موضع هجوم، ومعرفش عدد القضايا اللي هو رافعها عليا من كترهم، وبرغم إننا انفصلنا، بس هنفضل لآخر يوم في عمرنا ناقر ونقير.. الست عمرها ما كانت مسئولة عن خيانة الراجل، ولما وفاء عامر أختي قالت إن الست هي المسئولة، اتخانقت معاها لأن ده مش صح، الراجل بطبعه كدة، وإلا مكنش ربنا حللهم التعدد.”