الموقع – مجلة الكترونية فنية شاملة elmaw2a3
متابعة/ حسانة سليم
كشفت الفنانة نشوى مصطفى، عن ان الفنان الراحل هشام سليم قام بتصرف انساني مع ممثلة كبيرة في العمر.. اذ قالت:” افتكرت حاجة عن هشام سليم يمكن مش كتير يعرفوها — في يوم راجعة من التصوير وكان فيها استاذة ممثلة كبيرة الله يرحمها اسمها ثريا ابراهيم – قالت لي نشوى معنديش عربية توصليني في طريقك لاقرب مكان انزل اخد تاكسي — قلت لها تاكسي ازاي حاوصل حضرتك لباب البيت — واحنا ماشيين قالت لي عارفة الشقة اللي حتوصليني ليها دي مين جابهالي — قلت لها مين ؟؟ قالت لي شيريهان — وحكت لى انها كانت بتشتغل معاها مسرحية شارع محمد علي..
وكانت بتيجي كل يوم من طنطا للقاهرة وترجع تاني لان بيتها كان هناك ولما شريهان عرفت قالت لها شوفي الشقة اللي تحبيها وانا حاشتريهالك — ولما اشترتها كانت فرحانة اوي — ولما هشام عرف بارك لها وقال لها فرشتيها ولالسه قالت له فرشتها قال لها كان نفسي افرشهالك قالت له وهي بتهزر طيب ماتعمل حاجة تانية قال لها تحت امرك — قالت له نفسي احج — تاني يوم لقت شركة سياحة بتكلمها وبلغتها ان هشام دفع كامل التكلفة وكانت خمسين الف جنيه وكمان وهي رايحة عطاها مصروف الرحلة وقال لها ادعي لي — بس كده — الف رحمة ونور.
