الاعلامية سالي عبد السلام تروي كيف تعرضت للتحرش!!

متابعة/ حسانة سليم

تعرضت الإعلامية سالي عبد السلام لواقعة تحرش وقامت بتوثيقها بالفيديو… ونشرت سالي عبد السلام فيديو الواقعة عبر حسابها في الإنستغرام، وكتبت معلقة عليه: “ده واحد وأنا قاعدة من شوية في العربية ومنزلتش حتى بشرب كوفي انا و ريم صاحبتي في البنزينة اللي جمب بيتى جه يستظرف “معاكي شاحن؟؟” رديت بكل أدب لا، وداخل بدماغه يشوف! بعدها انتى متضايقة ليه!!؟، قولتله حاجة متخصكش واتفضل امشي “..

وأضافت : “لا متكلمنيش كده، قولتله اتفضل من هنا، مفيش، ولسه هيقل أدبه ويستظرف تاني صورته فيديو ، لما الناس اتلمت بيقولهم كنت بطلب شاحن! الرجالة بقيت بتقوله هو معلش، السؤال هل هو العادي إن إي حد ممكن يكلم بنات و يستظرف و يدخل جوا العربية و عايزنا نسكت؟! ليه!؟ إحنا حصلنا ايه؟! السؤال بقى هو مين ده؟ وهل ده عادي؟ في بنات هتقبل ده عادي! مجتمعنا شايف إنه عادي؟ ولما أقوله امشى ميمشيش”.