الموقع – مجلة الكترونية فنية شاملة elmaw2a3
علق الفنان مراد مكرم على مشهد #قتل_ زينة _بمسلسل_ ” ورد_ وشكولاته”_ والذي مستوحى من قصة #الاعلامية _شيماء _جمال_ بالقول:”مشهد قتل زينة وتشويه جثتها، ساب أثر عليا وقعدت يومين تلاتة علشان أتخطى، مهما كنت محترف في الآخر أنا بني آدم، وأنا متعود بعمل اللي عليا وبفصل أول ما يتقال cut، بس ده مش معناه إن ميبقاش فيه أثر بسيط يفضل لحد ما تخرج من الشخصية نهائي، والمشهد ده كان من أصعب المشاهد اللي صورتها في المسلسل”.
وتابع: “ردود أفعال الجمهور على المشهد كانت فوق توقعاتي بكتير، أنا كنت عارف إن المشهد تقيل ومش سهل على أي حد يشوفه، لكن إن الناس تتأثر بالشكل ده معناه إن الشخصيه وصلت، وإن الرسالة اتفهمت صح، أكبر تحدي كان إن الشخصية ليها طبقة إنسانية مظلمه جدا فلازم تتعمل بحرص، قعدت وقت قبل التصوير أفهم الدوافع وليه بيعمل كده؟ بيفكر إزاي؟ كمان التحضير الجسدي والصوتي كان مهم، طريقة الكلام، سرعة النفس، النظرات، كل تفصيلة بتقربك أو بتبعدك عن صدق الشخصية، وفوق ده كله، إنك تشتغل وسط فريق تقيل زي مخرج العمل ماندو العدل وفراج وزينة وشركة الإنتاج وباقي فريق العمل بأكمله”.
