نجوم يرفعون شعار «اغلقوا أوبر» بعد تكرار وقائع التحرش والخطف

تكرر الفترة الأخيرة واقعة تعدى سائقين أوبر على الفتيات و آخرهم واقعة فتاة التجمع مما آثار غضب العديد من الفنانين، مما جعلهم يطلقون حملة ضد شركة أوبر، وانفعل الإعلامب عمرو اديب مساء أمس في برنامجه “ الحكاية ” بعد واقعة التعدى حيث علق :“ إبن مين في مصر أوبر دي..  هوا مين اللي بيراقب عليها، فيه عصابات داخل الشركة، البنت الأولانية ماتت ومحصلش حاجة، والنهاردة سيدة التجمع نجت بأعجوبة، الناس مرعوبة لا كشف على السائق ولا تأمين على الراكب، أوبر مفيش حد بيحاسبهم، أموت وأعرف الجهة المسؤولة عن الشركة..أوبر مش بتجيب ناس كويسة، ومش بيكشفوا عليهم.. الكلام ده لما بيحصل برة الدنيا بتتقلب، أتحدى حد يقولي مين الجهة المسئولة عن أوبر”، مناشدا النائب العام أن يتخذ موقف تجاه شركة أوبر، معلقا: “أوبر هى المسئولة،ولادنا اللي بيستخدموا أوبر يعملو إيه؟ هتتحركوا إمتى؟.. الناس بتموت!، أوبر شارية التطبيق التاني في مصر، فرحتي بجواب اعتذار من أوبر أمريكا”..و على سياق أديب كان من أوائل المطالبة بمقاطعة و إغلاق تطبيق أوبر هو  الفنان القدير صلاح عبد الله عبر مواقع التواصل الاجتماعي حيث نشر  عبر   إكس : “ بعد ما شفت حكاية عمرو أديب بعت رسالة لبناتي ومراتي في الجروب العائلي(إلغوا أوبر من حياتكم مهما كانت الظروف) فهل تصرفت صح؟”.. وناشدت عبير صبرى عبر  الفيس بوك: “  هي اوبر دول مسؤوليه مين..يعني اللي بيشغلهم مين .. الكبير بتاعهم مين؟؟ هل هما شركه بتشتغل مع نفسها كده بيزنس خاص يعني ..وإذا كده فين الرقابه عليهم ؟ مفيش رقابه عليهم  ليه؟؟ ليه مفيش كاميرات في العربيات دي زي دبي في اي تاكسي  ولا البنات هتفضل  كل يوم يخطفوهم  ويموتوهم ويتحرشوا بيهم وويعتدوا عليهم ويغتصبوهم ؟؟؟؟ ازاي مفيش حل مع المجرمين دول لازم السواقين دول يكونوا تحت مسؤوليه وزاره الداخليه اقل شيء بعد الجرايم المتكرره دي أرجو ان تتضامن النساء في مصر للمطالبه بغلق هذا الابليكيشن  اغلقوا اوبر”، و كتبت الفنانة ريم الباردوى عبر موقع التواصل الاجتماعى الفيديوهات و الصور عبر خاصية القصص قائلة “ أوبر محتاجين كام ضحية عشان يتحملوا المسؤولية ويطبقوا سياسات تحافظ على حياة وأمان الستات “،ونشر حسن الرداد عبر صفحته الرسمية على الفيسبوك: “يجب التحقيق والتصدي لشركة أوبر على محاولات الخطف والإرهاب المثير من المستخدمين لهذا التطبيق.. فين الكشف عن المخدرات لكل السائقين،أعرف كذا حالة لسائقين أوبر طلبوا من الركاب إلغاء الرحلة قبل بدايتها.. لماذا؟.. وكتير من أوبر يقولك أديني الفلوس كاش بالرغم من ربط الأبلكيشن بكروت الفيزا.. أرجو اتخاذ اجرائات صارمة من قبل ما تروح أرواح تانية بسبب أوبر.. واحدة ماتت والتانية تعرضت لمحاولة اغتصاب وما خفي كان أعظم”.