طليقة شاكوش ريم طارق:” هدومي بيلبسوها بنات وحسن مش بروفيسور عشان اتشهر على حسه”

متابعة/ حسانة سليم

كشفت ريم طارق، طليقة حسن شاكوش، عن أكثر ما تعاني منه بعد طلاقها من مطرب المهرجانات، مشيرة إلى أن أكثر شيء يزعجها هو رؤيتها لفتيات يرتدين ملابسها الخاصة..وقالت: “أكتر حاجة كانت تاعبة نفسيتي أن بشوف بنات بتلبس حاجتي بعد ما أبويا تعب وجهزني وحقوقي جت جت ما جتش هي عند ربنا..أتمنى الغي قصة طليقة حسن وعاوزة اسمي يكون ريم فقط، مش عاوزة حد يشاور عليا يقول طليقة حسن، مش عاوزة أنسب اسمي لحد ولا اتشهر على قفا حد ومفيش حد بيتشهر على سمعته وشرفه وخراب بيته دي مش حاجة حلوة، لأن أنا بيتي اتهدم وناس اتكلمت في عرضي، وده كله كتير على واحدة داخلة تتجوز وتخلف وكل من هب ودب يدخل يقول فيها وفيها.. كنت عاوزة في الأول اسمي يتمسح من ذاكرة الناس ولكن لقيت أني كده كده اتعرفت والناس شافتني، وقلت هظهر لكم بس عاوزة أعمل أي حاجة تبعدني تماما عن المشكلة، خاصة أن حسن مش الشيخ الشعراوي عشان اتشهر على حسه، ولا البروفيسير أو عمرو دياب”