دينا:” رقصت بعد يومين من وفاة والدي ودفنت جوزي وقدمت مسرحية”

متابعة/ حسانة سليم

حلت الراقصة دينا ضيفة على أحد البرامج التلفزيونية، وتحدثت خلال اللقاء عن تفاصيل حياتها الشخصية، وبداية دخولها مجال الرقص الشرقي.. ومن ابرز تصريحاتها كانت كالتالي:

– أنا محدش عرف يحاسبني على حاجة ولا أنا بحاسب حد.

– أنا متغيرتش من وأنا صغيرة، ومعنديش لف ودوران، وطول عمري باخد قرارات.

– كنت بحب فريدة فهمي وعاشقة لها ونفسي أبقى زيها، وكانت مصدر الطاقة في حياتي، ومن وأنا عندي 9 سنين خدت قرار أدخل فرقة رضا.

– زعل أبويا مني قواني وخلاني أنجح وأبين له إني مخسرتش ولا حاجة.

– أي حد مش عاجبه حاجة أنا بعمله بسيبه وأمشي ومبهتمش، ولو حد قال هي رقصت متدخلش بيتي تمام، الرقص عندي أهم.

– عمري ما أذيت حد حتى لو دون قصد، واللي أذوني عمري ما أذيتهم.

– إخوات الأم أقرب من إخوات الأب، لأن الأم اللي ربت.

– أنا أقرب واحدة لـ في التصرفات وكل حاجة.

– بابا توفي في مستشفى السلام، ورقصت تاني يوم.

– جوزي لما اتوفى روحت ودفنت، ورجعت في نفس اليوم عرضت مسرحية مع الفنان عادل إمام.

– أحلى أيام برقص فيها لما ببقى موجوعة.

– الرقص هو حياتي، وبقول الناس اللي مبترقصش بتعمل إيه؟.

– والدي قاطعني سنتين لأني كنت خدت قراري في الرقص الشرقي.

– بابا مكنش متصور أني هكمل دراستي بسبب الرقص، وأنا كنت عايزة أحط الرقص الشرقي في مكانة محترمة.

– الناس أدتني سوكسيه أني الرقاصة اللي في الجامعة، وعملت دراسات عليا علشان أثبت للمجتمع أن الرقاصة مش وحشة.

– كل اللي حصل في حياتي مسابش جوايا حاجة خالص، وعذرت كل واحد عن اللي عمله.

–  لو عايزة أتطلق هعرف أتطلق، ولو عايزة العلاقة دي تنتهي هعرف أخلي الراجل هو اللي يقولي أنا همشي، وأنا أوافق، ليه تكسري نفسك قدام حد وتباني ضعيفة؟.

– كان المفروض أعمل فيلم مع أحمد زكي ومحمد خان وجابوا مكاني نهلة سلامة، ودي من الحاجات اللي وجعتني وقعدت 3 أيام أعيط، أنا في طلاقي بزعل يومين، ودي وجعتني أكتر لأنه كان حلمي