الموقع – مجلة الكترونية فنية شاملة elmaw2a3
متابعة/ حسانة سليم
تحدثت الفنانة مها احمد عن بعض المواقف التي جمعتها بالفنان فاروق فلوكس، موضحة أنه نشر بعض الشائعات عن تسببها في إصابته بجلطة..وقالت مها أحمد في تصريحات تلفزيونية: “في يوم عرفت إن المسرح هيكرم الأستاذ فاروق فلوكس، وقلت لصديقتي ومديرة تحرير برامجي، بفكر أروح عشان أحضر التكريم وأعمله مفاجأة يمكن يفرح، قالتلي إزاي ده شتمك، رغم إني مش فاكرة إني اشتغلت معاه، لكن هو بالنسبالي تاريخ.. كنت بعمل بطولة مسرحية، فكان في الشغل بيقرب مني أوي، بيلزق فيا، وبيندفع بالكلام وده بيضايقني، وكان يخرج عن النص لأنه كان جاي علينا جديد، ومش حافظ، وكان يرتجل بـ كلام مينفعش يتقال على مسرح دولة. اشتكيت للمخرج، قلت له بعد إذنك لما ييجي يشتغل معايا ميقولش ألفاظ خارجة في الزميل المذيع والممثل، مردش حقي، وبعدين قالوله في الأيربيس، وجه يلم الموضوع، ومعرفش، أصل الارتجال ده عايز امكانيات”.وعن مشاجرتها مع الفنان أحمد السقا وأمير كرارة بسبب مسلسل “نسل الأغراب”، وعن قضيتها مع الفنان فادي خفاجة.قالت مها أحمد :” الغضب مخسرنيش أحمد السقا وأمير كرارة، ومقصدش أزعل أحمد وأمير، وساعتها مقللتش منهم، والسقا أخويا ولو شاف حاجة معجبتوش فيا بيقولي، لكني غلط إني عاتبت على السوشيال ميديا.. معملتش حاجة تستاهل إني أعتذر لكرارة والسقا، ومجدي عاتبني وقالي كنتي قلتيلي أو فضفضتي معايا الأول، وكان ممكن أشيل البوست اللي عملته، لكن لقيت في توابع فيها تطاول، فا قلت مش هشيله، مضيفة: كل الفنانيين كانوا محايدين حتى النقابة، في فنانات ومذيعات مرتزقة كتبوا شكر للسقا وكرارة، على أساس إني بنت البطة السودة.. واللي فرق معايا 3 أشخاص، واحدة قعدت تشكر ف المسلسل وبعدها كلمتني، والتانية معروف إنها صاحبتي وفجأة لقيتها كاتبة بوست طويل عريض بتشكر في تربيتهم، والناس في الكومنتات بتقلها طب وصاحبتك؟، وأنا معاتبش حد بالعكس هسيبه على عماه.”..وعن مشاكلها مع فادي خفاجة، أوضحت مها: “عندي شهوة للستر إن أي حد يقول عليا حاجة وحشة أو حاجة مش فيا وأنا ناجحة. أنا رفعت 4 قواضي على فادي خفاجة، منهم سب وقذف وتحرش، وهرفع قضية على منصة التيك توك، وهي مضمونة وأكسبها وأنا مغمضة لأنه حقي وعندنا قانون وقضاء عادل هيجيبلي حقي بالقانون”.
.
