الموقع – مجلة الكترونية فنية شاملة elmaw2a3
متابعة/ حسانة سليم
تحدثت الفنانة شمس، عن تعرضها للإكتئاب وابتعادها عن الوسط الفني، وذلك خلال لقائها مع الإعلامية مروة صبري في برنامج «قعدة ستات» عبر شاشة «القاهرة اليوم»..وقالت شمس، خلال لقائها، أنها كانت تعمل مع كبار المخرجين بالوسط الفني وموهبتها الفنية تطورت على أيديهم، لافتة إلى أن الجميع تخلى عنها في الوقت الحالي..وأضافت: «المخرجين دلوقتي كتير منهم مش موجودين على الساحة أصلا والأدوار اللي بتجيلي ممكن تكون كبيرة بس مش بحجم الأدوار اللي كنت باخدها زمان، بس بتشدني،قابلت دينا وقعدت جنبي بتاع ساعتين تلاتة وأدتني طاقة إيجابية للحياة وحب المهنة تاني، قالتلي لازم تخرجي معانا قولتلها أنا هخرج معاكي يا دينا عشان الحب باين في عنيكي، هخرج مع الناس اللي أحس إنهم بيحبوني مش هخرج عشان حد ينافقني أو أنافق حد أو أعمل مصلحة من حد أو العكس، أغلبهم من وراء ضهرك بيكرهك وبيتكلم عليكي وحش، كل حاجة بتوصل محدش بيقولك مين بس انتي بتعرفي من الكلام اللي بيترميلك، في ناس بتوصل الكلام، في حد ممكن يقولك رشحتك لدور بس فلانة قالت إن شاء الله، يعني إن فلانة بتكرهك».. ووجهت شمس رسالة لفناني الوسط الفني، قائلة: «عايزة اقول للناس دي كلها أن الكفن مليهوش جيوب، وأنا مفهمتش الجملة دي غير لما اخواتي ماتوا، لا في كفن هتاخد فيه فلوس ولا شغل، الناس اللي بتكره الناس ومش بتتمنى الخير لبعض».
