نشوى مصطفى:” ابويا كان سواق ومناكل مرة بالاسبوع لحمة ومش عيب”

متابعة/ حسانة سليم

تحدثت الفنانة نشوى مصطفى عن ذكرياتها أثناء فترة الطفولة والمراهقة وكشفت عن مواقف مرت بها في الصغر.. قالت نشوى مصطفى خلال لقاء لها مع برنامج “بالورقة والقلم” على قناة ten “عشت مراحل صعبة ماديا لأن ابويا كان سواق في المصانع الحربية ومرتبة قليل وعمرى ما شوفت امي متزمرة أو مضايقة على اد مرتب ابويا كانت امي بتمشي الدنيا وامي كانت بتفصل وكنا بنلبس حلو بسببها ،ابويا كان بيصحى 5 الصبح علشان يقف في طابور الجمعية وكان بيجيب اللحمة ب68 قرش، أنا اتعلمت في بيتنا اني اكون شبعانة، رغم كدة كان عندي القوة اني اقف في الجامعة وانا جايبة مفردات مرتب والدي وكنت بقف علشان اخد الكتب مجانا أو بنص الثمن وكلنا كنا شبه بعض ودة مش عيب وكنا بناكل اللحمة مرة في الأسبوع”