زوجة المطرب إسماعيل الليثي تهاجمه: “مش مسمحاك ليوم الدين ويارب قلبك يولع نار”

كشفت #الميكب_ أرتيست_شيماء_سعيد_ زوجة _المطرب_ الشعبي_ إسماعيل _الليثي_ معاناتها_ السابقة معه، مشيرة إلى أنه كان يجبرها على الاعتذار لوالدته طوال الوقت.

وقالت شيماء في لايف عبر حسابها على التيك توك: كان جابرني أعتذر لوالدته، وكنت بروح أسلّم عليها، ولما أروح لحد عندها تلف وشها الناحية التانية، وتحرجني لدرجة إني كنت بعيط وأنا ماشية.. مش عايزة أرجع له خلاص معايا بنتين، ربنا يخليهم ليا ، وربنا ما يوريني فيه وفيهم حاجة وحشة أبدًا، بس بإذنك يا رب، عمرك ما هترتاح، ومش مسامحاك ليوم الدين، لا أنت ولا اللي فرّقك عني، حسبي الله ونعم الوكيل، إلهي ما تلاقي راحة، وفي أي مكان تروحه تلاقي قلة تقدير، وتلاقي قلبك مولّع زي ما ولّعت قلبي، وتفضل عايش طول حياتك ما تلاقيش ظفر عيل”.

وعلى جانب آخر، سبق وكشفت شيماء سعيد تفاصيل أزمتها مع زوجها وقالت في لايف لها عبر التيك توك: “عايزة أعيش باحترام وأدب أنا واحدة باشتغل، وكنت بروح البيت أشتغل، أقسم بالله أنا عايزة أعيش أقل من الناس العادية، أقسم بالله كنت بقعد بالـ 3 سنين مش بكشف عند دكتور، وأنا سيدة مبحبش الخيانة بكل أنواعها أنا ست بـ 100 ست، وواحدة ليا حقوقي وليا وقت إني أصيف وأخرج مع جوزي وعيالي كل ده محرومة منه، ولا بيخرجني ولا بيعملي حاجة”.