مصطفى كامل:” انغام تجاهلت رسالتي ومش حاطمن عليها تاني!”

في تصريحات مثيرة للجدل، فجّر #الفنان _مصطفى_ كامل_ نقيب_ الموسيقيين_ مفاجأة بشأن محاولته الاطمئنان على #الفنانة_ أنغام_ بعد أزمتها الصحية الأخيرة، مؤكدًا أنها تجاهلت رسالته، ما دفعه لقطع التواصل معها نهائيًا..وقال مصطفى كامل في مقابلة مع “ET بالعربي” عندما سُئل عن الحالة الصحية للفنانة أنغام: “أولًا وقبل أي حاجة ألف سلامة عليها وربنا يقومها بألف سلامة ويشفيها لأبنائها وجمهورها لكن أنا آخر مرة أعلنت إنها تعبانة أنا بعتلها رسالة بقولها طمنيني عليكي فمردتش.. فأنا للأمانة مبعتش رسائل تاني..أنا مؤمن بدوري المؤسسي وإني أنا آه لازم أكون حبيب الكل وزميل الكل مش هقعد أدور على أي فنان زميل وهو ميردش لا لا.. هي بتبقى فيه حاجة اسمها تقدير أنا دوري كنقيب إن أنا أطمن.. طب لما تبقى زميلتي كمان وبحبها فطبيعي جدا لما تشوفي رسالتي وأنا بطمن عليكي أنا مبقولكيش ابعتيلي فلوس سلف فالمفروض تردي.. فلما هي مردتش المرة اللي فاتت فأنا للأمانة مبعتش تاني.. مبحبش عن نفسي كده خصوصًا إن كمان الفنانة دي بالنسبة لي حاجة كبيرة أوي وحاجة لطيفة أوي في حياتي أنا بحبها على المستوى الفني والشخصي وبنا كل حب واحترام”.