منة ارسلت أطباء وهنيدي شوال فلوس.. منال الصيفي تبكي وتشكر مساندة النجوم لمرض زوجها اشرف مصيلحي

متابعة/ حسانة سليم

أعربت المخرجة منال الصيفي، عن امتنانها لأصدقائها وأصدقاء زوجها الفنان اشرف مصيلحي من الوسط الفني، وذلك بعد مساندتهم له منذ إصابته بالسرطان قبل ثلاث سنوات، موضحة أنهم يعرضون المساعدات بالرغم من عدم احتياجهم لها.. وقالت منال:” الف حمد وشكر لله إن أشرف مصيلحي ربنا محوجهوش لحد، النقابة بتدخل وبتساعد وبتقول ده حقه، والناس في الوسط بتاعنا كويسين جدًا وأمير كرارة قالي ابعتيلي رسالة وأنا مش هقول لحد، ومحمد هنيدي والله جابلي شوال فلوس، الحقيقة أنا ساعات بقعد أعيط؛ لأني مش مصدقة حب أصدقائه ليه.. ومنة شلبي كلمتني وهي بتصور في لبنان وبعتت دكاترة على البيت وكانت بتديني نصائح، أنا بشكرهم كلهم وحقيقي هما عزوة وسند، مفيش حد مبيتصلش يسأل عليه ويحب يساعد، الدنيا فيها ناس كتير كويسة..  أول يوم ما أعلنت أن أشرف عنده سرطان هو مكنش مستوعب حاجة خالص والدكتور قال أنه في دنيا تانية، وأشرف مكنش يعرف طبيعية الورم اللي عنده حتى الكيمياوي كان بياخده حبوب وكنت بقوله أن ده دواء علشان الورم ميبقاش خبيث”