الموقع – مجلة الكترونية فنية شاملة elmaw2a3
علقت الفنانة وفاء عامر، على الشائعات المنتشرة عنها في الفترة الأخيرة، والتي تتعلق ببعض الاتهامات بالتورط في #تجارة_الاعضاء_ وأكدت النجمة خلال مداخلة هاتفية في برنامج “الستات”، والذي يعرض عبر قناة “النهار” أنها أكبر نجمة مصرية عبر منصة “تيك توك”، وأنها لا تظهر إلا مع ناس بمستوى عالٍ، كما أكدت أن هي تحاول في الفترة الحالية جمع مبلغ مالي قدره 150 مليون من أجل مساعدة طفل، والشخص الذي أصدر عنها الشائعات يقصدها لأنها الأعلى مشاهدة عبر “تيك توك ” ، كفاية عليا دعم الدكتور أشرف زكي واتحاد النقابات الفنية وزملائي، وده ضرب في القوة الناعمة، وإحنا مش ضعاف، لو دخلتوا على أسر الفنانين، إحنا مش ضعاف، عندنا نقيب قوي، واتحاد نقابات قوية، ونقابات تنمية عظيمة، نقابات مش هتسكت، ومحدش هيقدر يسكتنا غير بالموت”.
وتابعت:”اللي بتفتري عليا وتتهمني، ادعت قبل كده إنها #بنت_ الفنانة_ إيمان _الطوخي_ والرئيس_ الأسبق_ حسني_ مبارك_ وأنا بطلب منها تعمل تحليل DNA لإثبات إنها بنته، وده مستحيل إحنا معندناش رئيس وحش حكم مصر”.وعن الفنانة إيمان الطوخي، قالت: “لماذا كل هذا الصمت من الفنانة إيمان الطوخي، ولازم تطلع تتكلم تقول مش بنتي، حتى لو هي محجبة أو معتزلة لازم تطلع تقول، ومش هتواصل معاها، هي يعني مش عارفه، وأكيد لها حد في العيلة شاف الموضوع، وهي متجوزتش، والبنت بتطلع تسيء للدولة، وأنا ست عنيدة ومش هسيب حقي، ودي مش 5 جنيه حد ناصب عليا”.واختتمت: “أنا بنت راجل محترم، وجوزي راجل محترم، وعيلتي فيها رجالة محترمين، ومبسوطين من موقفي، وقولتلهم محدش ليه دعوة، علشان يتقال ست جابت حقها، وزمايلي في منتهى الاحترام، ومحدش ييجي على القوة الناعمة، وبشكر كل النقابات والدكتور أشرف زكي، وهكون عايزة إيه أكتر من كده، أنا بعد الإشاعة دي أقسم بالله أنا كل ست كبيرة بتحضني، والعيل بيجري عليا، وهفضل كده ومحدش ييجي عليا، وبشكر كل جمهوري من قلبي بجد، وهي مش محنة دي منحة إدهالي ربنا، دي جايزة من عند ربي”.يأتي ذلك وسط تعرض وفاء لاتهامات تتعلق بتجارة الأعضاء، حرصت على نفيها مؤخرًا في بيان قالت فيه: “أرفض تمامًا الزج باسمي أو الإساءة لي أو لأي شخص من أسرتي في شائعات تمس مكانتي كفنانة وإنسانة..وأؤكد للجميع أنني لن أترك كل من وراء هذه الشائعات والادعاءات الكاذبة، وسأتخذ كل الإجراءات القانونية ضدهم هم ومن ورائهم”.
