كيف دافعت ياسمين رئيس عن انتمائها الفلسطيني المصري؟

خلال لقائها ببرنامج “#صاحبة_ السعادة” الذي تقدمه الفنانة #إسعاد_ يونس  صرحت #النجمة _ياسمين_ رئيس: “أنا ما أقدرش أروح فلسطين لإن احنا عائلتنا وأهلي بالذات طلعوا وقت م.ذابح اللد و#دير_ ياسين، طلعوا هربانين من المدابح، الص.هاينة كانوا بيخشوا على قرى بحالها يموتوا أهالها ويسيبوا مثلًا اتنين علشان يروحوا يحكوا للقرية التانية فهما يدخلوا القرية التانية من غير مجهود، الص.هاينة كانوا بيقتلوا كل الفلسطينيين حتى الحوامل ويدمروا كل شيء..عائلة والدي في #الأردن وعائلة ماما #مصرية، وهو تزوج من أمي وذهبوا للكويت وأنا اتولدت هناك، وكنت باجي مصر كل سنة يعني أنا مصرية واللي يشكك في مصريتي ده ظالم ومفتري ومش فاهم حاجة، أنا مصرية وعشت في البلد دي وشُفت فيها حاجات أهلها نفسهم ما عاشوهاش..أنا مش فلسطينية بس، أنا مصرية وعشت في مصر أكتر ما عشت في البلد اللي اتولدت فيها، أنا عمري ما شفت فلسطين ولا دخلتها ولا ليَّ حق إني أرجعها، بس مينفعش أبويا اللي هو فلسطيني وطلع وقت المشاكل وهو عمره 7 سنوات وشاف أهوال معينة، ما ينفعش أنكر وجود أبويا، أنا مش جاية أقول إني فلسطينية ولكن الظروف اللي خلتني أتكلم، صورت جواز السفر الفلسطيني وطلعته علشان عايزة أعمل حاجة زيي زي كل الناس وده مش معناه إني أقلل انتمائي لمصر، أنا انتسب لأبويا وفلسطينية مصرية”.