“اللي عايز يفكر شمال هيفكر”.. أول تعليق من عزيز الشافعي على أزمة أغنية روبي

متابعة/ حسانة سليم

علق الشاعر الغنائي والملحن الموسيقي عزيز الشافعي على الجدل الكبير حول أغنية الفنانة روبي “3 ساعات متواصلة”، والتي كتب كلماتها، حيث اعتبرها البعض أنها تضمنت “إيحاءات جن*سية”.. وفي مداخلة هاتفية مع الإعلامي عمرو أديب ببرنامج “الحكاية” قال الشافعي: “هو دا بالظبط حضرتك كأنك بتقول في القرآن بتقول:”لا تقربوا الصلاة” هو فعلا في آية اسمها كده بس :”وأنتم سكارى”.وأضاف الملحن والشاعر الغنائي: “الناس بتجيب جزء من الأغنية ومش بتجيب بقيت الأغنية، لا توجد أي كلمة في هذا الجزء فيها إيحاءات، إلا لو شخص عايز يفكر كده، ولا كلمة أروقك أو أشوقك أو أدوقك فيها إيحاءات، وإذا كانت كلمة أدوقك أكثر كلمة الناس إتكلمت عليها فأحمد شفيق كامل قالها في أغنية إنت عمري لأم كلثوم”دوق معايا الحب دوق”، ونجاة غنت في أغنية لمرسي جميل عزيز دوق 3 مرات، أنا كتبتها مرة واحدة فقط، لكن اللي عايز يفكر شمال هيفكر”.