حنان مطاوع: “سيناء مش حل.. إحنا دفعنا فيها شهداء”

متابعة/ حسانة سليم

خرجت النجمة حنان مطاوع، مطالبة متابعيها عبر  الانستغرام، بالمشاركة بالاحتاجات اليوم، بميادين مصر، دعما للقضية الفلسطينية،ونشرت حنان مطاوع، عبر حسابها، فيديو، قالت من خلاله: “من ساعة ما صحينا على اللي بيحصل مع أطفالنا وأهلينا في غزة وأنا مش عارفة أقول إيه المصاب جلل وبيصغر قدامه أي منطق وبيعجز العقل أنه يحلل اللي بيحصل ده لأنه برا حدود الإنسانية والرحمة،هتسألني كلام زي ده أو وقفة نقفها ممكن تغير أي حاجة، هرجع أقولك أه لأن العدو مش بس بيحاول يبيد شعب لن يباد أبدا بأمر الله وبإرادته الحرة الباسلة القوية، لأ دا كمان ابتدى يقرب على حدودنا ابتدى يتكلم عن سيناء … تاني رجع يتكلم عن سيناء، سيناء مش حل مطروح، سيناء مش مجرد أرض مصرية سيناء دفعنا فيها آلاف الشهداء علشان تنال حريتها ومستعدين ندفع أكتر كمان، سيناء الحلم التاريخي السخيف المجنون للعدو، عشان كده محتاجين كلنا نتضامن ونظهر للعالم كله إننا رافضين الأفعال الوحشية اللي بيقوم بيها إسرائ/يل ضد فلسطين الحبيبة الباسلة وكمان إننا نقول لهم أننا اخترنا الكرامة والسيادة الكاملة على أراضينا”.