ماجدة نور الدين ترد على حفلات اليسا:” مش وقتو خالص والناس بتتقتل”

متابعة/حسانة سليم

علقت الناقدة الفنية ماجدة خير الله، على تصريحات النجمة اليسا بشأن إحيائها الحفلات في ظل الأوضاع الراهنة واستمرار العدوان الإسرائي*لي الغاشم على قطاع غزة والأراضي الفلسطينية..وقالت :”كل واحد مسؤول عن قراراته ومواقفه، والناس بتقدر أو لا تقدره، وكل واحد يتحمل نتائج مواقفه، وإليسا بتقول ما هي الحياة ماشية والمهندس والدكتور بيشتغل، أيوة الناس بتعمل شغلها وكل حاجة ولكن العمل اللي فيه بهجة وبهرجة والمفروض فيه فرحة مينفعش في ظروف زي كده.. يعني الواحد إذا مكنش فاهم الفروق دي بين سواق أو مهندس أو دكتور لازم يروح شغله، وبين واحد شغلته بيعمل كوميديا ويغني علشان يرفهه عن الناس، ده مش وقته خالص لأنه موجود طول السنة، فمش وقته والناس بتتقتل”..وأضافت ماجدة مستشهدة بموقف الفنان عمرو دياب، والذي ألغى نشاطاته الفنية تضامنًا مع أحداث غزة، قائلة:” لازم الفنان يكون عنده هذا الوعي وهذا الضمير، يعني مثلًا عمرو دياب وقف حفلاته وإصدار الأغاني لأنه مش وقتها بجانب التبرع، لازم الفنان يكون جواه إنساني ويستوعب الموقف وإيه اللائق اللي يتعمل في الوقت ده، وإيه غير اللائق.”