مؤلف “سفاح الجيزة” مُهاجماً المخرج هادي الباحوري:” مش أمين على الورق والمهم مرات المنتج تمثل”

متابعة/ حسانة سليم

هاجم المؤلف محمد صلاح عزب المخرج هادي الباجوري مخرج مسلسل “سفاح الجيزة” بسبب إعتراضه على نهاية العمل..قال عزب في مداخلة هاتفية مع الإعلامية أميرة بدر في برنامج “ملفات” المذاع على قناة هي “كان في خلاف في وجهات النظر وانا مش راضي وهو غير حاجات في نهاية العمل وانا مش حابب اتكلم في تفاصيل لانها كواليس عمل وهو عمل جماعي وانا مكنتش راضي عن المشاهد ودة مش اللي أنا عامله والطبيعي المخرج يدخل لكن في إطار شغله كمخرج مش أنه يدخل في شغل المؤلف،في خط درامي كامل تم إضافته علشان مرات المنتج تمثل وتم تكوين شخصية من الفراغ ومش معروف هي مين ولا جت ليه وعلشان مرات المنتج تمثل وهو مش امين على الورق بالشكل دة فانا مش هتعامل معاه تاني، وانا من البداية مكنتش موافق على المخرج اصلا، وهادي الباجوري مخرج اعلانات أو كليبات لكن اعماله الدرامية مش بحبها والفيلم الوحيد اللي عمله شبه النوع دة هو فيلم وردة ودة فيلم محدش عارفه اصلا ولما المنتج قالي أن دة المخرج اللي هيشتغل معانا قلتله لا، اللي هو صوره زي ما مكتوب معنديش مشكلة فيه وانا مشكلتي في اللي يتعلق بشغلي، والجزء التاني الحق الوحيد فيه ليه للمؤلف”