الموقع – مجلة الكترونية فنية شاملة elmaw2a3
متابعة/ حسانة سليم
عاد المنتج أحمد الزواوي للحديث عن النجمة فيفي عبده ومهاجمتها، بسبب أخذ الفنانة منه مبلغ نصف مليون جنيه عام 2017 على هامش تصوير فيلم لم يتم تصويره، ولم تقوم بسداد المبلغ حتى الآن.. أحمد الزاوي يعلن إيذاءه لـ فيفي عبده ومن خلال لقاء له ببرنامج قعدة الستات ، قال أحمد الزاوي : والله العظيم أنا سبب اللي فيفي عبده فيه دلوقتي، ولا أخشى في الله لومة لائم، ولا أخاف من حد نهائي لا بشر ولا غير بشر، إلا ربنا فقط، ربنا قال وما ظلمناهم ولكن كانوا أنفسهم يظلمون، وأنا طلبت حقي بالقانون والأصول، وبعدها آذيتها زي ما آذتني، ولو طولتها هموتها، عليها نص مليون جنيه بتوعي في 2017، كانوا كل ما أملك وتحويشة العمر، ضيعت مستقبلي، في ناس بتقتل وأنا مقتلتش، أنا بتعامل بالقانون الإلهي الجزاء من جنس العمل، وعجزتها زي ما عجزتني، عملت عمل للراقصة فيفي عبده علشان عليها فلوس ومش عايزة تدفعها وفيلم لعب العوالم متصورش”، وانهى حديثه قائلا: “مكانش فيه حاجة بينا خلاص احنا حضرنا للفيلم ومضت وجبنا الأبطال اللي هي رشحتهم معاها، وأول ما كنا هنبدأ تصوير وأكدنا عليها الأوردر وبعد ما حجزت لوكيشن ومعدات لقيناها ما بتردش خالص، وكلمت الدكتور أشرف زكي وقالي تعالى اعمل شكوى في النقابة ومعرفوش يجيبوها يحققوا معاها زي ما جابوني وحققوا معايا ورفعت قضية وكل شوية يتعملها حفظ عشان بتغير عنوانها كل شوية”.. لق الدكتور عبدالمنعم فؤاد المشرف العام على الأروقة العلمية بالجامع الأزهر، بأن ذلك حرام شرعا، مشيرا إلى أن هذه الأعمال من الشيطان واستدعاء للشيطان نتيجة فقر ثقافي وديني، ولا يصح أن نخرج ونتحدث عن هذه الأفعال في الإعلام .. وحذر من نشر هذه الثقافة، وخاصة بين الشباب، مؤكدا على ضرورة اللجوء للقانون والقضاء لحل هذه الخلافات.. وكانت النجمة فيفي عبده تحدثت منذ أيام عن تفاصيل حالتها الصحية وعن العملية التي أجرتها، وقالت خلال لقائها ببرنامج ET بالعربي: “أكيد مليون في المية معمولي عمل متحركش من السرير لو أعرف مين اللي عملي العمل ده أبوس رجله فكهولي عشان حرام عليك أفضل في السرير وكل ما أقوم من حاجة ألاقي حاجة”.
