الموقع – مجلة الكترونية فنية شاملة elmaw2a3
جاء رد #الإعلامية_ ريهام _سعيد_ خلال بث مباشر عبر حسابها الشخصي على الفيسبوك ، وتحدثت فيه عن الأزمة التي تمر بها حاليًا، وقالت ريهام سعيد في حديثها: “#كروان_ مشاكل_ قال عني كلام مهين.. اتكلم عني وقال إني بتنقل من راجل لراجل، والكلام ده كله اتقال لي بقصد الإهانة وأنا متأكدة إنه متملي وموجه من حد قاصد يوجعني، وبعدها طلع يعتذر ويقولي أنا زي ابنك.. بس أولادي أكبر منه فعلًا هو كان فاكر إني هتضايق ووالده بيقول عليا حجة معنديش مشكلة انا 50 سنة ومع ذلك هو ما احترمش ده، أنا مش هقبل إن حد يتطاول عليّ بالشكل ده، ولو اتنازلت عن القضية، يبقى كأني بتنازل عن كرامتي وسمعتي.”
وأوضحت ريهام أنها رغم ما تعرضت له من إساءة، فإنها قررت اللجوء إلى صلاة الاستخارة قبل اتخاذ أي قرار نهائي بشأن القضية، قائلة: “أنا مؤمنة إن ربنا شايف ومطلع وفي حاجة اسمها العفو عند المقدرة واستشارت شيخ قالي كده فأنا قررت هصلي استخارة واشوف ربنا هيوجهني لإيه، ولو لقيت في التنازل خير، هعمله، بس أنا لحد دلوقتي مش متنازلة ولو اتنازلت معناه إني اتنازلت عن كرامتي.”
وعقب هذا الفيديو حاول #والد _كروان_ مشاكل_ أن يطلب العفو عن نجله من الإعلامية ريهام سعيد، إلا أنّه لم يكن يتوقع أن تعليقاته الأخيرة ستتحول إلى معركة قضائية محتملة، بعدما وصفها بـ«الحجّة»، وشبهها بـ«المجرمين»، وهو ما اعتبرته ريهام سعيد إهانة مباشرة وتشهيرًا باسمها.
ولم تتردد الإعلامية المعروفة بآرائها الصريحة في الرد بلهجة قاطعة تحمل طابع التهديد القانوني، إذ قال والد «كروان مشاكل» في رسالة موجهة لريهام سعيد: «بلاش تظلمي حد يا حجة ريهام، فأنا لازم أقولك يا حجة لأني كنت بتفرج عليكي وأنا صغير، وأنتِ مجربة السجن ولبستي العباية البيضا، عشان كده بقولك يا حجة، بلاش تظلمي كروان ابني لأنه تعب ومبقاش قادر ومش معاه فلوس تانية، اتنازلي لوجه الله».
وعبر صفحتها الرسمية على فيسبوك كتبت ريهام سعيد ردًا على والد كروان مشاكل: “أنا ماعنديش مشكله أكون حجة ده لقب مشرف بس أوعى تشبهني بمجرمين أنا عمري ما اتحكم عليا ولا كنت مجرمة أنا واحده بتحترم القانون، بس هو برضوا اللي حصل ده كويس عشان الولد يبقي وسط عيلته في السجن ما يحسش بأي غربة، الحق بيرجع وبالقانون”.
وتجدر الإشارة إلى أن المحكمة كانت قد أصدرت حكمًا في أبريل الماضي بمعاقبة التيك توكر المعروف باسم “كروان مشاكل”، بعد اتهامه بـ سب وقذف إعلامية شهيرة، ونشر محتوى خادش للحياء عبر مواقع التواصل الاجتماعي، وقد قضت المحكمة بـ حبسه سنتين، وتغريمه 100 ألف جنيه، مع كفالة مالية قيمتها 10 آلاف جنيه لوقف تنفيذ الحكم مؤقتًا.
