الموقع – مجلة الكترونية فنية شاملة elmaw2a3
كشف #الفنان_ احمد __فلوكس عن تفاصيل مروعة تتعلق #بتعرضه للسحر_ والأعمال_ خلال 7 سنوات في مصر والسعودية والمغرب، وفك هذه الأعمال بعد معاناة طويلة..وكتب أحمد فلوكس عبر حسابه على الفيسبوك: “دلوقتي أقدر أتكلم، بعد 7 سنين أعمال اتعملت في #المغرب _والسعودية_ ومصر_ وسبق من 3 سنين نزلت فيديو بيقول إن في قائمة بأسماء ناس راحت بيت حاخام يهودي في المغرب وأنا كنت من أوائل القائمة دي، والحقيقة القوائم اللي راحت كازابلانكا كتير وحتى الآن بيروح ولكن خلينا نتكلم الأول في دول”..ونشر أحمد فلوكس صورًا توضح شكل السحر والأعمال التي تعرض لها، وعلق: “الأكياس اللي قدام حضرتكم دي كل كيس فيه عمل من الأعمال اللي اتعملتلي، والأبيض اللي في الكيس ده ملح اتحط عليها طبعًا للي فاهم، 18 عمل قذر باكفنة عظام ميتين وأصلبه وعظام مبشورة ودم نجس وعضو ذكري وطوق حديد في نحاس مطلسم علشان ما تحركش وعظم منشور ومرشوش و… ومعمول حاجة اسمها اتحاد سحراء… 18 عمل… بإيه بقى، سحر تسليط سفلي مخفي من السحر الأسود موكل بوقف حال وخراب ليوم الدين بأبناء إبليس..الأعراض ضيق واختناق همدان وتكسير في العظام وقف حال مصلب ليوم الدين بعدم الراحة في أي مكان طمس على الوجه بعدم القبول ونسيان المذكور من عالم الأحياء ويكون من أهل القبور تكتيف الجسد وتسليط بالموت تفرقة ورحيل السحر تنجيم على عظام ميت مطحون ومرشوش في صحراء مهجورة… طبعًا ده غير التخطيط أساسًا اللي اتعمل ليه كل ده وده مش هاتكلم عنه غير لو فكر اللي عمل كده يكمل في خطته”..
وأكمل أحمد فلوكس: “أحب أشكر الاتحاد ده كله لأنه كان سبب إني أشوف ربنا وأقرب منه وأعرف أنا إيه وليه كل ده… ورسالة للكل أتمنى بعد كل اللي ربنا عمله وفشل كل ده أن تتقوا الله وتوقفوا… وكفاية قوائم وكراريس وكفاية سحرة وكفاية أذى وعايزكم تشوفوا اللي عمل فيا أسحار المغرب ده هايحصل فيه إيه، لأن محدش أبدًا يجي ناحية بسم الله الرحمن الرحيم ولا الفاتحة ولا يس ولا قل هو الله أحد وينجوا وكمان يهودي ده هايشوف أيام سودة يمكن تتعظوا… أخر حاجة هاقولها… ربنا إذن بالضر وأذن بعديها بالفائدة… الحاجة الوحيدة اللي ما اتغيرتش هما الناس اللي ضرت وأنتم صعبانين عليا أوي لأنكم كلكم تحت اسم الضار… فتخيلوا بقي المصير…وللأسف أنا ربنا نجاني… وده ليه معنى واحد… استعدوا… وطبعًا اللي عملوا الكلام ده هايفهموا اللي هاقولوا دلوقتي بسم الله الرحمن الرحيم وبقوة الفاتحة وقوة آية الكرسي وجنود يس وقوة قل هو الله أحد… العدل العظيم القوي… لكم من أفعالكم ما تسببتم فيه… الحمد لله”.
