«نبهته بدل المرة عشرة».. مصطفى كامل:” لازم أخطر أشرف زكي على قلع ملابس محمد رمضان”

أعرب #الفنان_ مصطفى_ كامل_ نقيب_ الموسيقيين_ عن استيائه من ظهور محمد رمضان بهذا الشكل خلال إحدى حفلاته، مؤكدًا أنه سبق وحذره أكثر من مرة من تقديم هذه النوعية من التصرفات.

وقال مصطفى كامل، خلال مداخلة في برنامج «حلوة بلادي»: «لما شوفت المشهد بتاع محمد رمضان أنا مستاء جدا، وكلمت مجلس الإدارة، ولما عملت رخصة لمحمد رمضان نبهته بدل المرة عشرة إن أنا مش هينفع معايا الحاجات دي، مش هينفع في وجودي التصرفات دي»..

وأوضح نقيب الموسيقيين أنه سيخطر الدكتور أشرف زكي، نقيب المهن التمثيلية، بما حدث، قائلًا: «أنا مضطر أخطر الدكتور أشرف زكي، ولابد لنا من وقفة جادة، مش هقدر أعاقب حد غير لما أخطر الدكتور أشرف، وهو أكيد لم يرضيه اللي حصل من محمد رمضان».

وأكد مصطفى كامل أنه في حال تكرار محمد رمضان خلع ملابسه خلال الحفلات، فلن يتم السماح له بالغناء مرة أخرى طوال فترة توليه منصب نقيب الموسيقيين، وقال: «لو تكرر الفعل تاني، أي قلع لبس لمحمد رمضان، مفيش غُنا تاني طول ما أنا نقيب الموسيقيين لو لقطة محمد رمضان أزعجت الناس فهي طعنتني في قلبي، ولكن هفضل متماسك لحد ما أتخذ الإجراء الصحيح والسليم مع الدكتور أشرف زكي».

وأشار إلى أن النقابة سبق وسمحت لمحمد رمضان بإحياء حفلات أخرى، مؤكدا أنه إذا تكرر الأمر فلن يتم إصدار أي تصريح غناء جديد له، واختتم مصطفى كامل حديثه قائلًا: «رغم محبتي ليه، هو لو بيحبني وبيحب مصر، بالمنظر ده لا يليق».