الموقع – مجلة الكترونية فنية شاملة elmaw2a3
كشف محمد عبد الوهاب، شقيق #المطربة_شيرين_عبد_الوهاب_ تفاصيل حالتها الصحية، واصفًا بأن حالتها “تصعب على الكافر”، وتحتاج للهدوء، كما طالب الصحافة والإعلام ونقيب المهن التمثيلية والموسيقية أن لا يتحدثوا عنها.
وكتب شقيق عبد الوهاب عبر حسابه على الفيسبوك: “الأستاذ نقيب الموسيقيين والأستاذ نقيب الممثلين هو ليه حضرتكم مبتظهروش في الصورة غير لما يكون في حاجة يعني ليه مش بتسألوا عليها في الأيام العادية طالما أمرها يهمكم أوي كده خلاص بقى كفاية متاجرة ارحموها بقى والسادة الصحفيين والمعدين والإعلاميين محدش يكلمني، أنا مش هعمل أي حوار وأي مداخلة ولا أي شيء انتو بردو ناس كلكم عايزين رتش وترند فقط ليه محدش فيكم بيكتب لها والدنيا هادية كلام حلو بدون ما يكون في أزمة أو مشكلة كفاية بقى الله يخليكم والله حالتها تصعب علي الكافر ومحتاجة هدوء عشان تعرف تتعافي أخباركم وكلامكم والله بيأثر عليها”.
وتابع شقيق شيرين عبد الوهاب: “أنا اتكلمت بحترام وأدب بعد كده هقل أدبي على التخين فيكم وأنا والله بطولي بس بعون الله قد أي حد وبينا القانون.. مفيش أي حد ليه الحق يطلع يتكلم أو يكتب عن شيرين حاجة أيا كان صفته نقيب إعلامي صحفي شاعر ملحن موزع الكلام للكل . اللهم بلغت اللهم فاشهد”.
ثم كتب في منشور جديد عنها، واصفًا بأنها كانت مثلا الوردة، وتبدلت بعد زواجها من حسام حبيب.. معلقاً: “كانت زي الوردة وزي الفل في السفرية السودا دي اشترى الدبلة.. اتجوزها بدبلة ابن الحسب والنسب.. كان يوم أسود دخلته علينا بالخراب والله ابويا مات بعد جوازهم بشهر حسبي الله ونعم الوكيل”.
