الموقع – مجلة الكترونية فنية شاملة elmaw2a3
متابعة/ حسن الخواجة
لقيت #الفنانة_ المصرية _نيفين_ مندور_ بطلة_ الفيلم_ السينمائي_ الشهير_ “اللي_ بالي_ بالك”_ مع_ الفنان_ محمد_ سعد_ مصـرعها_ صباح اليوم الأربعاء، إثر حـريق مروع اندلع داخل شقتها السكنية بحي العصافرة في محافظة الإسكندرية.
وحسب ما ذكره مصطفى عطا الله، أحد جيران الراحلة، في منشوره على فيسبوك، فقد اندلع الحـريق في السابعة صباحا، وتسبب في تصاعد كثيف للدخان؛ ما أدى إلى اختنـاق نيفين مندور (53 عاما) داخل شقتها قبل وصول فرق الإسعاف.
كما أكدت مصادر إعلامية محلية إنه من المتوقع أن تفتح الأجهزة الأمنية المختصة بمحافظة الإسكندرية تحقيقا موسعا في الحادث للكشف عن أسبابه وملابساته.
ونالت نيفين بدورها التمثيلي البارز لشخصية “فيحاء” في فيلم “اللي بالي بالك” شهرة واسعة عام 2003، ورغم التوقعات بأن تصبح نجمة سينمائية جديدة، إلا أنها اختــفت عن الأضواء لسنوات طويلة ولم تُقدم أعمالًا فنية أخرى لافتة.
تصريحات الفنانة الراحلة عن قضية المخدرات
سبق أن كشفت نيفين مندور سبب اختفائها، في لقاء سابق لها مع ياسمين عز في برنامج كلام الناس عام 2022، مشيرة إلى أن مرض والدتها السبب:”مامي بدأت تتعب لمدة سنين، وكانت بتروح المستشفيات كتير، وهي كانت أولى بأي دقيقة، وده كان بعد فترة نجاحي على طول، بجانب إني كنت خايفة شوية في بداية تمثيلي وتعب والدتي زود الموضوع، ولما قررت أرجع التمثيل والدي قال لي بلاش، ومع ذلك سبت الباب مفتوح لكن مفيش حاجة كويسة اتعرضت عليا”.
وكشفت نيفين مندور تفاصيل دخولها مجال التمثيل، بعد أن رشحها أحد أقارب الفنان محمد سعد للمشاركة في الفيلم، وقالت: “الموضوع كان صدفة باحتة، كنت راجعة من إسكندرية وكان معايا صاحبتي وكنا نازلين نتعشا وقريب محمد سعد عرض عليا التمثيل، قلت له أنا مش بتاعة الكلام ده، قال لي إنتي هتبقي بطلة مع محمد سعد، قلت له مين ده؟ قال لي اللمبي، لأن الفيلم ده كان مسمع بس أنا كنت شايفة أنه واحد طالع يهرج وخلاص ومش هستفيد حاجة بالظهور معاه، وأنا ما شفتش الفيلم لحد النهارده”.
وأضافت أنها كانت ترفض المشاركة في فيلم اللي بالي بالك مع محمد سعد، حيث أنها لم تكن مقتنعة:”قريب محمد سعد أصر إني أروح، ولما روحت اللوكيشن لقيت حسن حسني بصلي من فوق لتحت وقال لـ محمد سعد ما تسبهاش دي ليدي الفن، واتكسفت ووشي احمر، ومدير الإنتاج قال لي أستاذ سامي العدل بيقول لحضرتك استينه ولما جه واتمشينا في ستديو مصر، وسمعني علشان يعرف أنا ليه معترضة وسابني قلت له كل اللي عايزاه، قال لي بقولك إيه سيبك من مقتنعة أو لأ، تعرفي تمثلي ولا لا، قلت له أنا أعرف أعمل إي حاجة بس مش هقدر إلا لما آخد إذن أهلي، وماما قالت لي اطلبي لي سامي واتفقت معاه وكلمت بابا ووافق”.
وتحدثت نيفين مندور عن قضية اتهامها بتعاطي المخدرات عام 2013، وقالت: “الموضوع ده بيضايقني، الموضوع كان خاص بولدي، لكن هما حبوا يكسروه بيا، وأنا اللي روحت في الرجلين، وهو كان ما بين نار بينته وسمعته، بس ربنا كبير، والحمد لله خدت براءة من أول دقيقة، ومحدش قدر يشكك، وفكرت كتير أكتب وأعلن ده لكن ردود فعل الناس خلتني ما ردش، لأن 90 في المية من الناس شافوني بصورتي الحقيقية، والباقي كانوا ناس مريضة بالنسبة لي، ونفسيًا الموضوع كان مخليني، واللي بيني وبين ربنا هو اللي يفرق”.
