الموقع – مجلة الكترونية فنية شاملة elmaw2a3
تحدثت #الفنانة _الفلسطينية _هيام_عباس_ عن بدايتها الفنية، مشيرة إلى أنها بدأت عن طريق مسرح المدرسة، إلى جانب كشفها سبب سفرها إلى أوربا مؤكدة أن البحث عن فرصة للتمثيل لم تكن السبب. وقالت هيام عباس بندوتها في #مهرجان_ القاهرة_ السينمائي_:” اشتغلت بمسرح الحكواتي في القدس وده كان بدايتي وحسيت أن الفن هو التعبير عن الذات، واكتشفت التمثيل عن طريق مسرحيات كنت بعملها في المدرسة مع باقي الطلاب..عملت مسرحية قدمت فيها دور أم وبعد ما خلصت لقيت الكل بيمسح دموعه، وحسيت أن الشيء ده كأنه سحر، في حاجة مني طلعت وراحت لقلب الجمهور، وعالم التمثيل هو اللي الممثل بيقدر يوصل رسايله اللي بتخوض في نفسه”.
كما أضافت: “سفري لأوروبا مش عشان أكون ممثلة ولكن كنت بحاجة لنفسي لأن مكنش سهل إني أحقق كل حاجة نفسي فيها، والمسار الفني كان صعب على النساء، واتولدت في قرية مكنش فيها أي مشاريع سينمائية ولا أقدر أشوف أفلام”.
