الموقع – مجلة الكترونية فنية شاملة elmaw2a3
نشرت# الفنانة _كارمن_ لبس_ فيديو _ وجهت _فيه_ رسالة_ خاصة_ للراحل_ زياد _الرحباني_ بعد مرور شهرين على رحيله.. وعلقت بعبارة «كل الجمل عم تنتهي فيك»، وهي جملة مأخوذة من أغنية «عندي ثقة فيك» للمطربة فيروز، من كلمات وألحان زياد الرحباني نفسه..تحدثت كارمن عن شعورها وصراعاتها العاطفية بعد رحيل زياد الرحباني: «بتعرف بس تعيش وهم إنك طويت صفحة حبك الأول وفجأة تكتشف إنو الصفحة بعدا مفتوحة مع جروحاتا؟ صرلي سنين عم قول اتخطيت، بس بنفس الوقت عم إسأل ‘ليه؟’ آخر ‘ليه’ كانت ليه ما بدك تشوفني؟ عرفت بعدين وبعد فوات الأوان إنو ما بدك شوفك هيك، يمكن ما كان بدك تشوفني وأنا عم شوفك هيك».
وعبرت كارمن عن اشتياقها له قائلة: «اشتقتلك، وعرفت إنك اشتقتلي بس ما قلتلي، قالولي بقيت تسأل عني، بس يا ريت سمعتا منك. قلتلك بغيابك فضي البلد، بس شي إنت رحت، حسيت أنا فضيت، حسيت كل شي بقي معلق».. وختمت لبس رسالتها بمزيج من الحزن والحنين: «أسئلة ما حدا جاوب عليها، وذكريات ما حدا قادر يمسحها، كنت إهرب من سيرتك مش لأن ما بدي ياها، بس لإني بخاف حس إنها أحلى سيرة. كل شارع، كل زاوية، كل مطرح، بذكرني فيك، حبيتك، وبعدني، وبعدا كل الجمل عم تنتهي فيك».
