منة شلبي:” اصدقائي عندهم اصل، واختياراتي العاطفية خوازيق!!”

 حلّت #النجمة_ منة_ شلبي ضيفة على #قناة_ Gossips، عبر موقع الفيديوهات #يوتيوب حيث تحدثت عن دورها في أحدث أعمالها السينمائية “الهوى سلطان”، ومفهوم الصداقة وتجربتها في اختياراتها العاطفية.وقالت منة: “#الصداقة حاجة بحبها أوي، في معارف وفي زمايل وفي أصدقاء، وأقرب مرتبة لقلبي الأصدقاء”.ممكن صاحبي على عيبه، لكن لو العيب بيضره أحاول أفهمه، وصحابي بيشبهوني بالشجرة وبيقولوا إني بضلل عليهم وبحتويهم زي الشجرة، واصدقائي ناس صادقة مش أشرار، وطيبين وجدعان وعندهم أصل في أخلاقهم، ودمهم خفيف طبعًا،ممكن أقطع مع أقرب صديق لما يخون ثقتي، الخيانة بالنسبة لي شيء مش مقبول، ولو حد من صحابي وقع في مشكلة هساعده مش هفكر في مصلحتي، ولو تدخلت بين اتنين ببقى محايدة وحقانية”.اعترفت منة شلبي بأنها لم تكن موفقة في اختياراتها #العاطفية قائلة: “اختياراتي العاطفية فيها خوازيق أكتر من اختياراتي في الصداقة، ومفيش حاجة اسمها راجل مثالي، في حاجة اسمها صفات ملائمة مع بعض، وأفكار ومبادئ”.