الموقع – مجلة الكترونية فنية شاملة elmaw2a3
متابعة/حسانة سليم
كشفت النجمة دينا الشربيني، عن ارتباطها مؤخرًا بشخص مصري يدعى حسين من خارج الوسط الفني، لافتة إلى أنها تعيش معه قصة حب..وقالت خلال لقائها ببرنامج “كلمة أخيرة” الذي تقدمه الإعلامية لميس الحديدي بقناة “أون”: “نفسي أخلف 6 عيال إحنا 4 إخوات 3 بنات وولد وأنا بحب فكرة العزوة ويبقى البيت مليان، هاكون عروسة وأتجوز بس كله بوقته وأنا فعلا في قصة حب وطلعت قلت كده من فترة وهو شخص بحبه جدا وجدع جدا وباحترمه جدا وبان جدا أصله وقت ظروف أهلي وهو شخص مصري خارج الوسط الفني..هو بيشتغل في بيزنس خارج الوسط الفني وإحنا نعرف بعض وبنتقابل وسط أصحابنا لحد لما ارتبطنا وهو محترم جدا وبيراعي ربنا في حياته وعنده حتة دينية وجدع ولذيذ وداعم وسند ليا في كل الظروف، وهو أبعد ما يكون عن الأضواء واستحالة يبقى قريب من الأضواء واحنا شبه بعض في كل حاجة ما عدا الأضواء وهو متفهم إني شخصية مشهورة ومش بيضايق من الناس اللي بتحب تتصور معايا وهو بينبسط لإنبساطي”.
