نجل حلمي بكر يروي ذكرياته مع والده ويعلق:” يارب يكون مبسوط وراضي”

متابعة/ حسانة سليم

قال هشام نجل الموسيقار حلمي بكر خلال تلقيه واجب العزاء في والده بمسجد الحامدية الشاذلية: “الجنازة كانت تليق بوالدي حلمي بكر، وأتمنى أنه يكون راضي ومبسوط بالحشد اللي جه يؤدي واجب العزاء فيه النهاردةوأتمنى يكون والدي راضي عني.” .وأضاف هشام:” وأنا راجع في الطيارة كنت بفتكر أبويا حلمي بكر مش الموسيقار حلمي بكر، والخبر جالي وأنا كنت في العربية ومتجه للمطار، وكان الموضوع صعب عليا، وقضيت الرحلة كلها لمدة 25 ساعة بفكر في ذكرياتي مع أبويا افتكرت الذكريات الخاصة مع والدي، والدي كان بيحب ينزل بليل الساعة 3 عشان يجيب الجرايد والمجلات كلها أول ما تنزل، كان بيصحيني من نومي بشويش ويقولي يلا ننزل كنا بنروح عند محطة القطر نجيب الجرايد ونرجع الساعة 4 الفجر. كان معاد نومي الساعة 10 كان والدي يصحيني الساعة 2 أروح معاه ونرجع 4 الفجر، ومقدرش أصحى أروح المدرسة تاني يوم”