غضب وسخرية بسبب فيديو العريس الخليجي والعروسة المصرية.. ” رمى النقطة والناس اتخانقوا عليها”

متابعة/ حسانة سليم

أثار مقطع فيديو العريس الخليجي غضب رواد مواقع التواصل الاجتماعي خلال الساعات القليلة الماضية، حيث ظهر فيه عروسان وعدد من “المعازيم” بأحد قاعات الأفراح، ورمى العريس الأموال على المدعويين..وتداول عدد كبير من مستخدمي مواقع التواصل الاجتماعي، مقطع فيديو العريس الخليجي والعروسة المصرية عبر موقع فيسبوك، ظهر فيه عريس خليجي يرتدي عباءة وعمامة، وعروسة مصرية وعدد من المعازيم، وألقى العريس الأموال على المعازيم بشكل مهين كأنها “نقطة”.. وخلق فيديو العريس الخليجي موجة من الغضب والاستياء بين مستخدمي السوشيال ميديا، ساخرين من فعل العريس، ومستنكرين رد فعل المعازيم..

وعلق صاحب حساب على الفيديو المتداول عبر فيسبوك: “الواحد بيحزن والله كل ما يشوف الفيديو.. دا عريس خليجي وعروسة مصرية رمى شوية فلوس على زوجته وأهل العروسة زي ما انتو شايفين بيتخانقوا عشان يلموها من الأرض في مشهد مش لطيف”..فيما كتب آخر: “ملقتش عنوان مناسب.. أنا اتكسفت للعروسة بجد.. كوميديا سوداء والله زعلانة من اللي في الفيديو ده”.. وكتب محمد عثمان: “الفيديو ده وراه في الكواليس واحد محترم، زميل أو جار كان بيحب واترفض واتقاله أصل الجواز لازم يكون فيه لا مؤاخذة تكافؤ فرص، أو أنا مش حاساه”.