تصريحات نارية لناهد السباعي:” لو حبيت يهودي اتجوزو لكن اسرائيلي لاء، وجمدت بويضاتي”

متابعة/ حسانة سليم

أثارت النجمة ناهد السباعي الجدل بعد تصريحاتها في برنامج “VIP” حيث قالت الفنانة ناهد السباعي، إنه ليس لديها أي مانع لتتزوج من شخص مسيحي الديانة، على الرغم من كونها مسلمة.. وتابعت ناهد السباعي خلال لقائها في برنامج “VIp”مع الإعلامية أميرة بدر على قناة هي: “شايفة إننا كلنا بنعبد رب واحد وكلنا أديان إبراهيمية، ممكن اللي أنا شايفاه يبقى غلط وحرام، وأنا مش ضد الجواز من حد مسيحي..لو حبيت حد يهودي هتجوزه برضو عادي، نفس موقفي من المسيحي هوافق، ولكن إسرائيلي لأ طبعا، وأنا بحب المراسم الدينية في الجواز، ومبحبش المراسم المدنية، وبحب زي ما في مراسم في الجوامع وبحب شكل الأفراح في لبنان، شفت زفة فيها أجراس وأذان، ولكن لو حاجة حرام مقدرش أعملها”، ومن جهة أخرى، كشفت الفنانة ناهد السباعي، عن تجميد بويضاتها بطلب من والدتها المنتجة ناهد فريد شوقي، قائلة: “طبيعي كان نفسي أكون أم، وجمدت بويضاتي بـ طلب من والدتي، وكان لازم أجمد بويضاتي علشان مكونش متسرعة في اختيار شريك يكون معايا أضطر أخلف، واختار شريك حياتي بشكل أحسن، ومكونش خايفة من المستقبل، وأريح والدتي وأختي، وعلشان يكون اختياري سليم ونفسي يكون أولادي شبه والدهم”