الموقع – مجلة الكترونية فنية شاملة elmaw2a3
متابعة/ حسانة سليم
رد المنتج أحمد السبكي على التصريحات التي أدلى بها الفنان محمد رمضان، والتي قال خلالها إنه يتبرأ من فيلم “عبده موتة” الذي قام ببطولته عام 2012…وقال السبكي، في تصريحات صحفية،: “لما رمضان عمل عبده موتة ما كانش لسه محمد رمضان، وأنا كمان لو رجع بيا الزمن ما كنتش هعمله لأن الدنيا بتطور مش علشان فيه رسالة سيئة ولا علشان البلطجة، أفلام السبكي أحسن أفلام وعبده موتة مات في الآخر، يعني كل واحد بيمشي غلط ربنا بيدي له على دماغه.،ما زعلتش من كلام محمد رمضان ولا عمري أقدر أزعل منه، والانتقادات مش بتضايقني وما يهمنيش رأي الناس.”
وكان رمضان قد علق على الانتقادات التي تعرض لها بسبب فيلم عبده موتة..وقال خلال حواره مع الإعلامية منى الشاذلي في برنامج “معكم” ليلة رأس السنة، إنه عندما قدم فيلم عبده موتة كان عمره 24 سنة، مشيرًا إلى أنه لو عاد به الزمن لن يقدمه بنفس الشكل.. وأضاف الفنان: “أنا عقلي بقى أنضج وبقى عندي رؤية أشمل، لكن أنا ما كنتش متوقع إن الفيلم هيكسر السينما، مردفًا: أنا عارف إن جمهور كبير بيشوفني وبدخل بيوت ناس وبشكل جيل وبأثر في جيل، ولو رجع بيا الزمن كنت هعمل نفس القصة بطريقة تانية، لكن حسن النية واضحة في نهاية الفيلم لأن عبده موتة اتعدم صغير وما طلعتوش منتصر، وأنا رؤيتي اتغيرت وما كنتش أعرف أنا هبقى فين عند الجمهور.”
