بالفيديو.. نجاتي:” بخلي ماما تنشف البطاطس بورق السيناريو”.. ايمن بهجت قمر:” تصريح حقير!!”

متابعة/ حسن الخواجة

انتقد الشاعر والسيناريست أيمن بهجت قمر تصريحات الفنان محمد نجاتي في لقائه ببرنامج “كلام الناس” من تقديم ياسمين عز ويعرض عبر قناة mbc مصر.. ونشر أيمن بهجت قمر عبر حسابه على Facebook فيديو من اللقاء والجزء الذي تحدث فيه محمد نجاتي عن رفضه لبعض السيناريوهات التي عرضت عليه وإعطاء الورق لوالدته لـ”تنشف عليه البطاطس”..

وكتب أيمن بهجت قمر: “بيحط البطاطس في السيناريو اللي مبعوت له لو مش عاجبه عشان ماما تنشف الزيت بيه! بيهين السيناريو! برغم أني أكيد عمري ما بعتت لـ ده سيناريو بس بصراحة، أحقر تصريح سمعته في حياتي من واحد حاول يبقى ممثل..حقيقي يا ابني أنت تستاهل المكانه اللي أنت فيها”.. وقال محمد نجاتي خلال اللقاء: “السيناريو اللي مش عاجبني هيعجب غيري، وطالما أنا شايف أني مش محتاجله أو دون المستوى مش هعمله، بعد فيلم عرق البلح اتعرضت عليا سيناريوهات ومكنتش بحبها وكنت واخد جائزة أحسن ممثل في بلجيكا، لما كان بيتعرض عليا فيلم وحش كنت بخلي ماما تصفي عليه البطاطس علشان يشرب الزيت وأهين السيناريو”.