رامي جمال:” نرجسي وعاب كل زمايلو”،عمرو مصطفى:” مطرب درجة خامسة ولك مني نظرة احتقار”

متابعة/ حسانة سليم

كتب عمرو مصطفى منشور عبر حسابه الرسمي على الفيسبوك، ذكر فيه أنه إذا زُج باسمه مرة أخرى في تصريحات تلفزيونية، سيتخذ إجراءات قانونية ضد الشخص الذي تحدث عنه.. وكتب عمرو مصطفى في منشوره: «هو أنا أترككم تتعدوا بشكل غير قانوني على ألحاني يعني، ولحن تم غناؤه في برنامج على الهواء خدته وعملت منه أغنية، وصورتها وفي الآخر طالع تقول عليا نرجسي، نحن في زمن يصدق فيه الكاذب ويكذب فيه الصادق، أقسم بالله لو شوفتك في أي مكان أنت وأشكالك لن تجدوا مني غير نظرة احتقار، وأوعى تجري تسلم عليا زي ما عملت قبل كده، علشان حهزأك، وأوعي تجيب اسمي تاني في مكان علشان هقاضيك انت وكل إلى شبهك مطربي الدرجة الخامسة.. زمن الرويبضة»… ومؤخرًا، قال رامي جمال، خلال لقائه ببرنامج «حبر سري»، مع الإعلامية أسما إبراهيم، للتعليق على تصريح سابق لعمرو مصطفى قال فيه «أنا المبدع»: «مفيش حاجة في الدنيا متوقفة على شخص، والملحن من غير شاعر وموزع شاطر أداة، والمطرب الشاطر اللي سماه أداة.. غير كده مكانش هيبقى قاعد يتكلم إنه ملحن شاطر، في الحقيقة في نوع من النرجسية، أنا مش بحبه.. وفي فرق بين إنك واحد من الملحنين العباقرة اللي التاريخ مش هينكرهم، لكن لسه مين كده مازعلتوش منك، عاب في كل زمايله، ولما تعيب في زمايلك إنت بتعيب في مهنتك، وأنا شايف إننا نكبّر بعض أحسن».