السبت , يوليو 20 2024

بعد تمكينها من منزل الزوجية.. حسن شاكوش يُعلق بفيديو ويرد على ريم

متابعة/ حسانة سليم

نشر الفنان حسن شاكوش مقطع فيديو عبر صفحته الرسمية Facebook ردا على قرار تمكين زوجته ريم طارق من منزل الزوجية.. وقال حسن شاكوش :” مش هطول عليكم من قلب البيت عندي وأنا عندي في البيت أهو موجود وأهلي وأمي وإخواتي منورني ومشرفني مش بيجوا لي كتير ولما بيجوا بالنسبة لي بيكون يوم عيد.. وحبيت بس أطمنكم إن مفيش أي حاجة وإحنا لسه جامدين ومفيش إلا إحنا، وعلشان عندي حفلة بليل مستني كل حبايبي اللي جايين لي في المعادي..الحمد لله الواحد ولا بيئته ولا تربيته ولا إمكانياته أنه يبهدل بنات الناس أو يجرحهم بأي كلمة وحشة لأنكم عارفين الست والبنت لو بصيت لها بصة وحشة توجعها ولا تربيتي ولا بيئتي ولا عيشتي ولا أهلي ربوني على كده، عمري في حياتي ولا ضايقت حد ولا زعلت حد ولا عملت مشاكل مع حد، وبيتقال عليا كده علشان يشهروا بيا وشكلي يكون وحش قدام جمهوري لكن ربنا مش على كيف حد.. اللي بيكبر ويخلي الواحد له قيمة ربنا وإحنا لما نتزنق بنقول يا رب مش يا عبد.. وأنا موجود في بيتي وأهلي منورني ومشرفني ومش هينفع أتكلم كتير ومش هينفع أتكلم كتير علشان الجامع جنب بيتي وبعد كلام ربنا مفيش كلام.. مبسوط إني اتكلمت معاكم وفيه شغل مع عمر كمال وفيه غنوة هتنزل اسمها دي حلوة، واللي عاوز يفهم يفهم واللي بيفهم بيريح لأن الواحد لا تربيته ولا أسلوبه يهين بنات الناس ومش هتكلم أكتر من كده والدنيا كلها شايفة كل حاجة والظالم وابن الحرام ربنا ينتقم منه في ميدان عام”.

من ناحية أخرى، نشرت ريم طارق زوجة الفنان حسن شاكوش مقطع فيديو من أمام فيلا مسكن الزوجية بصحبة رجال الأمن وذلك بعد أن حصلت على قرار تمكين..واستعرضت ريم طارق ساحة الفيلا مشيرة إلى أن حسن شاكوش اعتدى عليها بالسب والشتائم أمام الجميع.. وقالت ريم طارق إنها لا تستطيع دخول الفيلا حتى تحصل على ملابسها الخاصة مضيفة: ” معايا قرار تمكين من جهات التحقيق، ومش عارفة أتمكن من الفيلا وأخوه وابن أخته قاعدين، ومنتظرين من أربع ساعات ومش عارفين ندخل ومش عارفة آخد هدومي لأنه مستولي عليهم،  أنا ما قلتش سبب المشاكل وما عملتش حاجة غير إني جاية أخد هدومي لأني كنت ممنوعة من الدخول، وهو بيشتمني قدام الناس وبهدلني، وده المكان اللي ساكنين فيه وقاعدين فيه لوحدينا وهو جاب أهله وأنا مش معايا حد من أهلي، أنا رفعت قضية باللي حصل بيني وبين حسن ومش هتكلم في اللي حصل لأنه حاجة كبيرة وما ينفعش تتقال، ويمكن أحكي اللي حصل يا عالم”

شاهد أيضاً

محمد علي رزق مدافعاًعن تامر ضيائي:” بيراعي زوجته المريضة من سنين واللي حصل معاه شيء مهين”

دافع الفنان محمد علي رزق عن الفنان الراحل تامر ضيائي بعد انتشار فيديو للمشاجرة بين …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *