الثلاثاء , مارس 5 2024

سهير رمزي:” سممت أمي وأخجل من مشاهدي الجريئة ولن أحذفها!!”

متابعة/ حسانة سليم

كشفت النجمة سهير رمزي أنها لو عاد بها الزمن لن تقدم المشاهد الجريئة التي ظهرت بها في شبابها..وأوضحت في مقابلة مع برنامج “حبر سري” من تقديم أسما إبراهيم، أنها كانت مقتنعة في شبابها بتلك المشاهد وتراها جزء من عملها.. وأضافت عن هجوم الجمهور حاليا على الممثلة التي تقدم مشاهد جريئة: “ده اللي عملته السوشيال ميديا، لأن في ناس بيطلعوا يقولوا أراء ومحدش بيقول لهم لأ”..

وتابعت سهير رمزي: “زمان كنا بننزل بلبس قصير ومفتوح ومحدش بيبص لنا، لكن دلوقتي لأ، كل ده من السوشيال ميديا، وافتكروا قبلها إحنا كنا فين ودلوقتي بقينا فين، النهاردة العيلة لما تقعد مع بعض محدش بيكلم التاني، أنا بابقى ماسكة موبايل وجوزي ماسك موبايل، نتكلم كلمتين ونرجع للموبايل”.. وأكدت إنزعاجها من عثورها على فيديوهات مشاهدها الجريئة على الإنترنت، موضحة: “أنت بتستفيد إيه لما تكتب كده أو تقول ده دلوقتي، وبعدين دي حدوتة الفيلم، أنا كنت جريئة في بعض المشاهد شوية، إنما في سياق الموضوع، مش هبقى قاعدة في الصالون لابسة مايوه، المايوه يتلبس على البحر، ده اللي كنت بعمله وكل البنات بتعمله”.. وأشارت سهير رمزي إلى أنها لا تحب حذف فيديوهات مشاهدها الجريئة من الإنترنت لو امتلكت القدرة على ذلك، وأوضحت: “ده تاريخ أنا عملته وملزمة به، في بعض الأفلام عموما محبهاش، لأن ممكن يبقى فيلم هايف ميقولش رسالة كويسة، عملته للانتشار وكنت وقتها عايزة أعمل اسم لنفسي، لكن أمحي تاريخي وأشيل أفلامي لأ”..

حكت الفنانة سهير رمزي عن موقف صعب عاشته مع والدتها الراحلة، كادت فيه أن تتسبب في تسميمها، وقالت:” أنا بحب أمي بجنون، في يوم تعبت وقالت لي عندي مغص وتعبانه، وأنا كان عندي دواء بيريح المعدة، لما هي بتتعب أنا أعصابي بتبوظ، دخلت وجبت إزازة وشربتها، وبدين رجعت لقيت إزازة الدواء اللي كنت هديهولها، طلع أني إديتها من إزازة زيت مادة سامة، كان بينضف “الفيديو” من جوا، اترعبت وطلبت من حد بيساعدني في البيت ينزل للصيدلية ويسأل، وفعلا كان لازم أمي تاخد شربة ملح علشان ألحقها”..

وخلال اللقاء أكدت سهير رمزي أنها لا تنزعج مما يقال عن فترة ارتدائها الحجاب وأنها فعلت ذلك لأنه كان موضة رائجة وقتها.. وقالت: “مبزعلش لأن هو لو موضة كانت حلوة لأن فيها تغطية، لكن بزعل من نفسي دلوقتي لما بتفرج وأشوف شكلي بالحجاب، لأنه كان كتير أوي كنت بعمل طرح كتير وألوان كتير، لكن أي انتقاد مش بيزعلني”.

شاهد أيضاً

ليلى الشبح: “مرات حلمي بكر عملت له عمل علشان يرجع لها واخدت بيتو وطردته”

متابعة/ حسانة سليم كشفت المنتجة ليلى الشبح سبب شجارها مع سماح القرشي أرملة الموسيقار الراحل …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *