منه عرفة لألهام شاهين:” مش ضروري أمثل أغراء عشان أبقى نجمة زيك!”

متابعة/ حسانة سليم

ردت الفنانة منة عرفة، على انتقاد الفنانة الهام شاهين لها بعد تصريحاتها بعدم مشاركتها في أي مشاهد تحمل مشاهد ساخنة أو أحضان..وقالت  منه عرفة خلال لقائها ببرنامج “كلام الناس” المذاع علي قناة “إم بي سي مصر”: “احترم رأي الهام شاهين لما قالت اللى مش عايز يتباس ويشارك في مشاهد ساخنة واغراء يقعد في البيت، ردى علي الهام شاهين إن كل فنان عنده مبادئه والحاجات اللى مقتنع بيها ومؤمن بيها، وهي عندها مبادئها واللى مؤمنة بيها، انا مش بقول قال الله وقال الرسول، ولكن مش لازم اعمل اغراء علشان ابقى فنانة زيها”.

قالت الفنانة منة عرفة في نفس اللقاء: “زوجي محطش شرط إني أبطل تمثيل علشان يكمل معايا، ولكن هناك حدود وخطوط معينة لمشاركتي في الأعمال الفنية، انا وزوجي منفصلناش ومحصلش طلاق بيننا زي ما الناس فهمت،كان فيه مشكلة بيني وبين جوزي وحصل فيها سوء فهم منه ولما حصل سوء الفهم قعدنا مع بعض وحصلت خناقة فالموضوع سخن فجأة قلنا هنتطلق وكنا ماشيين في إجراءات الطلاق وهنتطلق فهو تسرع وراح منزل ان تم الانفصال فرديت عليه، ولكن رسميا احنا منفصلناش والأهل لما تدخلوا زودوا المشكلة ولكن محصلش طلاق”.. وكانت الفنانة منة عرفة علقت على ردود فعل بعض الشامتين، عقب إعلان انفصالها عن زوجها الفنان الشاب محمود المهدي.. وقالت منة عرفة خلال لقائها مع الإعلامي نزار الفارس ببرنامجه “مع الفارس” المذاع على شاشة الرشيد العراقية، قائلة: “محدش بيفرح لحد غير صاحبك ومامتك وباباك وأخوك، أنا كنت متخيلة أن الناس بتفرح لبعض وطلعت غلطانة، فيه ناس فرحت أول ما سمعت خبر طلاقي، وكانوا عاملين رهان أنهم هيتطلقوا، وأول ما خبر الانفصال انتشر قعدوا يقولوا شوفوا مش قولتلكم مش هيكملوا سنة ويتطلقوا، ولذلك قررت مظهرش أنا ومحمود تاني في أي لقاءات، وشفنا كمية سواد وتنمر كبيرة”.. على جانب آخر، قالت منة: إنها قررت عدم الظهور مع زوجها الفنان محمود المهدي مرة أخرى في لقاءات حتى لا يقول الجمهور إنهما يستغلان حالة الجدل المثارة حولهما.