الجمعة , مارس 29 2024

ايناس النجار.. تثير الجدل بسبب الخيانة الزوجية!!

متابعة/ حسانة سليم

أثارت تصريحات الفنانة إيناس النجار حول تعرّضها للخيانة جدلا واسعا عبر مواقع التواصل الاجتماعي خلال الساعات الماضية، بعدما لفتت إلى أن تلك الخيانة تسبب في تحطيمها نفسيًا وتحديدًا بعد عام من وفاة والدها، حيث كان رحيل الأب أول العوامل المؤدية إلى كسرتها، حسب كلماتها..وقالت  خلال برنامج «نص الكلام» المذاع عبر قناة «النهار» وتقدمه الإعلامية راغدة شلهوب: «اتطفيت مواقف حصلت لي كتير.. أول كسرة كانت وفاة بابا وكنا مرتبطين به جدًا، ثاني كسرة بعدها بسنة اتجوزت حد دخل قالي عايزه اتجوزك وماكنتش أعرفه إلا ثلاث شهور فقط، كنت في العشرينيات واتجوزنا في 2014».

وتابعت: «اتجوزنا بعد ثلاث شهور وكان فيه كتب كتاب في الجامع وعملت زواج معلن صحافة وفنانين، بعد كتب الكتاب حصلت مشاكل منه، اكتشفت أنه بيخوني حاجه زي كده وكان مر أقل من شهر على كتب الكتاب، ولم نكن وقتها عملنا فرح ولا أتجوزنا بعدها اتطلقنا، الناس افتكرت أنه أتجوزنا.. أذاني الموضوع في شغلي وحياتي، وأنا مادفعتش عن نفسي ولا قولت سبب الطلاق الحقيقي وقتها.. وناس كتير كانت فاهمه الموضوع غلط، وماعرفش عمل كده ليه لغاية دلوقتي، هو كان يعرف حد قبلي، ماتفهميش دماغه كان فيها إيه، كنت بفكر أنه هل حد زقه عليّ!، وممكن يكون كان عايز شهرة.. كان فيه شائعات كتير بعد طلاقي وأنا ساكته لكن قولت: هفضل ساكته لامتى لازم الناس تفهم الأسباب الحقيقية، لما حصل الطلاق دخلت في اكتئاب ولم أكن قادرة على الشغل والمرحلة كانت صعبة لأنه اتدمرت نفسيًا وعن نفسي ماكنش فيه حب كان زواج تقليدي لكن مسألة كرامة شكلي وشكل أهلي، بعد سنتين قدرت أتخطى المرحلة، وأنا عموما مش مرتبطه دلوقتي لكن من النوع اللي بأخد وقت طويل على ما أحب أو ارتاح لحد، بعدها حصل ارتباط ثاني وتزوجت لسنيتن، وأنا المرة دي طلبت الطلاق، لأنه تعبت صحيًا وهو كان بيتعامل معايا على أنه بيعمل واجب وأنا طول عمري ست قوية، من أول ما اتجوزنا وبطلب الطلاق، اتجوزته وأنا مقتنعه جدًا وأمنية حياتي أنجب طفل، لو خيروني بين فن وشهرة وفلوس أو أنجب طفل هختار أنجب طفل لكن لازم ابني أو بنتي يكون بين أب وأم سويين لأنه ظلم للطفل ونفسيته، وزوجي الثاني كان يرغب في طفل لكن أنا كنت برفض».

 

 

 

شاهد أيضاً

اليسا عن حبيبها:” ليس لبنانيا ويكبرني بعامين وشايب وثري و….”

متابعة/ حسانة سليم أشارت النجمة اليسا في حوار جمعها بالإعلامي عمرو أديب في بودكاست Big …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *