الأحد , يناير 29 2023
أخبار عاجلة

شريفة ماهر باكية:” ولادي ضربوني واخدو كل اللي حيلتي”

متابعة/ حسانة سليم

صرحت الفنانة شريفة ماهر، إنها تملك الجنسية السويدية لكن تفضل الإقامة في مصر دائمًا: «مش بطيق أقعد هناك شهر”، متطرقة إلى مشكلاتها مع أبنائها خلال الفترة الأخيرة.. وأضافت خلال حوارها مع الإعلامية بسمة وهبة مقدمة برنامج «90 دقيقة» على قناة «المحور»: «وزعت جزءا كبيرا من ميراثي، شريف وطارق شتموني، شريف زقني مرتين ودراعي اتكسر من 4 سنين، ولادي أخدوا كل اللي حيلتي».. وعن ابنتها ناهد، قالت: «مش حنينة، وقلبها جامد علىي، أجمد من إخواتها، دي ما سألتش علىّ، وشريف طول عمره بيحب الفلوس أكتر من أبوه وأمه، بيعبد القرش».

وأشارت إلى أنها اعتزلت الفن وارتدت الحجاب منذ 45 عاما، وأطلقت عددا من المشروعات العقارية، وعن ذكرياتها الفنية قالت: «في فيلم أعز الحبايب شكري سرحان ضربنى بالقلم وعيني جابت دم، وما بقتش أشوف كويس، ودلوقتي شريف ابني استغل الحكاية دي، ومضاني على 4 عقود لأملاكي ما أعرفش فيهم إيه، مش هشتكيه، ربنا هيجيب لي حقي، أبوه قبل ما يموت قال لي هأمّنك عشان شريف لما أموت هياخد منك كل حاجة، وفعلا طول عمره بيعبد الفلوس، وما كنتش أتخيل إنه يعمل فىي كده، ده بقاله 9 شهور ما قاليش انتي فين، ده طردني من شقتي الإيجار، ودلوقتي قاعدة في عمارة كاتباها باسم بنتي نيفين، وحد قال لي إن شريف طلب الفيلا من الشهر العقاري رغم إن نيفين مسجلاها، وفعلا استولى عليها وخان الأمانة».

وبكت الفنانة شريفة ماهر على الهواء، بعدما تدخل ابنها في الحوار على خلفية اتهامها له بضربها وسبها والاستيلاء على أملاكها مستغلا قلة حيلتها وضعف نظرها.. وقالت الفنانة المعتزلة شريفة ماهر، خلال حوارها مع الإعلامية بسمة وهبة مقدمة برنامج «90 دقيقة» على قناة «المحور»: «الله لا يكسبك يا بعيد، ورينا الأوراق مش الكلام، أنا مش مضيت لك على حاجة، انت اللي مضيتني، انت سلطت البواب علىّ، وقلت له ما يجيبليش حاجة ويقول للناس إن عندي زهايمر، حسبي الله ونعم الوكيل فيك، ربنا ينتقم منك».. ورد نجلها: «عارف إن الجنة تحت أقدام الأمهات، مش ممكن أشتمها، وإيدى تتقطع قبل ما أمدها، لكني اشتريت الشقق اللي عليها المشكلة، وعامل صحة توقيع منذ 2007، والمهندس اللي بنى العمارة معها شهد على هذه العقود»، لترد والدته الفنانة المعتزلة: «مزورة وهسجنك»، وعقب الابن: «بتقول بايعة لبنتها منذ 2011، إزاى هغيّر عقد البيع اللي هي عاملاه؟ اديتها فوق المليون جنيه وفوق الـ100 ألف جنيه سمسرة في الفيلا اللى باعتها».. وأكد شريف أن أمه حررت محضرا ضده، واتهمته بضربها وسبها وكسر الشقة، دون وجود أي إصابات، وهو ما يتضارب مع روايتها الآن التي تقول فيها إنه تسبب في كسر ذراعها منذ 4 سنوات، موضحًا أن النيابة حفظت المحضر. واختتم: «باعت شقتي لحد تاني، وما رضيتش أعمل محضر فيها، ولحد الشهر اللي فات باعت لها لحمة وفراخ وأرز ومكرونة، وببعت لها مؤن تكفيها شهر كامل»، لترد الأم: «رميت كل اللي انت بعته».

شاهد أيضاً

تاليا تطلق “يا الغالي” باكورة أعمالها الغنائية

أطلقت الفنانة اللبنانية الجزائرية “تاليا” أولى أعمالها الغنائية “يا الغالي” من إنتاج شركة “لايف ستايلز …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *