الأحد , يناير 29 2023
أخبار عاجلة

بالفيديو.. والد حلا شيحا يفتح النار عليها وزوجها وهي ترد بصدمة.. اليكم التفاصيل

متابعة/ حسانة سليم

دافعت النجمة#حلا شيحا عن زوجها الداعية والمنتج #معز مسعود بعد تصريحات والدها الفنان التشكيلي#احمد شيحا، التي تهاجم زوجها وتتهمه بخطفها.

ونشرت حلا صورة لزوجها ، عبر حسابها على #الانستغرام وعلقت عليها:”الحقيقة مصدومة من الكلام اللي والدي قاله عن زوجي اللي اتجوزته بكامل ارادتي و الحمد لله لقيت معاه كل المعاني الجميلة من #احترام ورجولة وشهامة نادرة الايام دي، وانا لم يخطفني احد كما قال والدي و الكلام ده لا يصح ابداً،انا بحب زوجي و #سعيدة بحبه ليا و بنحترم بعض و معز بيحترم رايي و بيقدر مشاعري و بالعكس هو دائما بيهدّيني، و طبعا بيساندني ويشجعني لاني زوجته و حبيبته..وهو اكبر بكتير من كل الكلام اللي بيتقال عليه و افتراءات مش صحيحة و هو ابعد ما يكون عنها.. لن اسمح لاحد الكلام عنه و لن اسمح بأي تصور خاطئ عنه بأي شكل من الاشكال معز طول عمره له رؤيته الواضحة، في #الدين و حتي في الفن و هو ليس مع اي جماعة او فئة معينة هو يمثل نفسه و له افكاره وارائه العلمية و الدينية المختلفة الجميلة، و ليس لاحد ان يصنفه او يضعه في اي قالب فقط لأن هواه لا يوافق ما يمثله معز..هو في ايه في بلدنا الايام دي بنحارب و نصارع في بعض و عايشين في قصص وهمية من نسج خيالنا عن بعض”.

وأضافت شيحا:” هو خلاص اي حد يتكلم بلغة الدين لازم يبقي #متطرف او اخواني هو مبقاش في مسلمين وسطيين طبيعين هو ليه كل انواع الهجوم ده علي اي حد..انا زعلانة من والدي جداً لانه يعرف معز كويس جدا و قعدوا مع بعض كتير ووالدي يحبه جدا و شاف منه كل خير ومعز زيي، اتجوز ١٤ سنة من عمره و كان مستقر في حياته و عنده ثلاث اولاد ربنا يخليهمله، جمال ماشاء الله و عمره ما كان بتاع ستات زي ما بيتقال كلام لايليق ابدا و في الاخر زيي لم يكمل جوازه و حدث الطلاق و كلنا معرضين لده طبيعي انه كان بيحاول زي اي راجل محترم انه يلاقي استقرار في حياته في الحلال و متوفقش اكتر من مرة و دي مش حاجة تعيب أي حد،والحمد لله اتقابلنا و تلاقينا لان ظروفنا قريبة جدا و عندي اولاد مثله و اولادنا شبه بعض الحمد لله، و استقرينا احنا الاتنين ليه ده يزعل الناس بدل ما ندعي لبعض بالخير بقينا نتصيد لبعض ونخوض في اعراض بعض هو حصل في مجتمعنا ده احنا جرالنا ايه، في الاخر بوجه كلمة لوالدي الحبيب ان لا يصح ابدا كلامك مع كامل احترامي لك و للجميع .انا الحمد لله سعيدة في حياتي و مع زوج اتشرف انه زوجي و بعتز بيه و احنا اصدقاء قبل ان نكون أزواج و كل كلمة اكتبها و قلتها نابعة مني و انا #متدينة بطبعي زي اي ست مصرية بتحب دينها وده لا يعيبني. وتديني اللي بدأ من اكتر من ١٥ سنة من المنطقي ان معز مش هو سببه..مش محتاجة حد يخطفني او يكتب عني او يوجهني.. هذا كلام لا يليق .دعوا الخلق للخالق و كل واحد يخليه في حاله .وياريت نسمع من بعض بدل ما نسمع عن بعض .احسنوا الظن”..

ماذا قال الوالد؟

وكان الفنان التشكيلي احمد شيحا، قد صرح بانه يشك في أن يكون تصريحها الأخير حول بعض مشاهدها في فيلم “مش أنا” بدافع منها.. وخلال مداخلة هاتفية مع الإعلامي #محمد الباز في برنامج “آخر النهار” على قناة النهار، شرح والدها رأيه قائلا: “أثناء تصوير الفيلم كانت سعيدة بيه جدا، وكانت بتقول لي هيبقى فيلم هايل وهيحقق نجاح كبير..بعد الفترة اللي انقطعت فيها خارج مصر عشان ولادها والمدارس، بدأت يحصل عليها تغييرات أنا بقيت قلقان..بدأ التصريح ده، وأنا أشك كثيرا إن حلا كانت الدافع وراءه لسبب بسيط، لأن الفيلم نزل ونجح، ما الجدوى إن أنا أعمل هذا #الكلام بشكل مجاني وأحرك الدنيا ضدي.”.

 

وردا على سؤال مقدم البرنامج “هل توافقني إحنا قدام عملية اختطاف  حلا شيحا؟” قال: “نعم، وأنا حزين جدا لهذا الاختطاف، لأن حلا فنانة حب الفن عندها عميق إلى أبعد الحدود.”.. وردا على سؤال: “شايف ما تكتبه هو بدافع وتأثير من معز زوجها؟” قال: “لا شك في ذلك، وأنا بقول الكلام ده على كامل مسؤوليتي كأب.”

شاهد أيضاً

تاليا تطلق “يا الغالي” باكورة أعمالها الغنائية

أطلقت الفنانة اللبنانية الجزائرية “تاليا” أولى أعمالها الغنائية “يا الغالي” من إنتاج شركة “لايف ستايلز …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *