الخميس , مارس 28 2024

صديق كريم صبري ينفي الشائعات المغرضة بعد وفاته ويوضح حقيقة اكتئابه وماذا عن هروبه من المصحة؟

متابعة/ حسانة سليم

رد صادق عادل، أحد الأصدقاء المقربين للفنان كريم صبري، شقيق الفنان رامي صبري، على كل من هاجم الفنان الراحل، بسبب ما قيل حول دخوله مصحة نفسية قبل وفاته بسبب الإدمان..وكتب صادق عادل عبر حسابه على الفيسبوك: “كريم مكنش بالصورة اللي بتتقال دي أبدا، كريم مكنش بالوحاشة دي، بالعكس ده من أرجل الناس اللي عرفتها في حياتي، ارحموه بقا ده خلاص مشي وسابكم، بلاش التشويه ده في صورته، كريم كان مكتئب وتعبان من كل القريب منه، واللي استنى منه مساعدة وملقهاش، كريم كان فنان وشاطر ومجتهد، وملقاش الدعم الكافي فاكتئب، وده طبيعي لواحد الناس فاهمة إنه ياما هنا وياما هناك، وهو ياعيني بيعافر وبيحاول بكل جهده، للأسف اللي بيكون من عيلة فنية، الناس بتستخسر تساعده وفاهمين إن العيلة الكريمة عاملة الواجب معاه وفي ناس تانية أولى، بس الحقيقي إن ده غلط تماما، لا حد بيساعد ولا قريب ولا غريب، صحابه بس اللي وقفت جمبه وكانت بتحاول تعمله حاجه مش أكتر، سواء محمد شفيق أو كريم أسامة أو أنا أو كام شخص بس اللي قريبين منه، لكن مفيش اللي الناس فكراه ده، بلاش تشويه في إنسان شاف حياة صعبة وسبنا بطريقة أصعب، بجد مش علشان تجاملو حد تشوهو في صورة إنسان راح لربنا، وكفاية كلمة أخو الفنان رامي اخو الفنان رامي، على فكرة اسمه كريم صبري، وليه تاريخ مش بطال يتشرف بيه، ارحموا علشان ربنا يرحمكم”..

وبحسب ما تردد فإن المطرب الشاب توفى غرقاً في ترعة المريوطية في مصر..وأمرت النيابة العامة في مصر بدفن المتوفى، بعد ورود تقرير طبي واف عن أسباب الوفاة، وطلبت التحريات حول ظروف وملابسات الواقعة.. وكشفت التحقيقات الأولية، أن غرفة عمليات الجيزة قد تلقت بلاغًا بغرق شخص في ترعة بمنطقة أبو النمرس، وعلى الفور انتقل رجال الأمن إلى مكان الحادث، حيث تبين أن الضحية كان يخضع للعلاج داخل مصحة علاجية بمنطقة الحادث، وأنه حاول الهروب وأثناء محاولة العاملين بالمصحة اللحاق به قفز فى ترعة، ولأنه لا يجيد السباحة غرق ولقي مصرعه.. وتبين من تحريات وتحقيقات المباحث التي جرت تحت إشراف اللواء محمد عبدالتواب مدير الإدارة العامة للمباحث، أن المتوفى هو كريم شقيق الفنان رامي صبري، عمره 34 عاماً، وهرب بعد يوم واحد فقط من إيداعه بالمصحة.

شاهد أيضاً

أيتن عامر: “في قضايا كتير بيني وبين طليقي”

متابعة/ حسانة سليم حلت النجمة ايتن عامر ضيفةً على الإعلامية بسمة وهبة، في برنامجها “العرافة”، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *